Эртага Осиё чемпионлар лигасининг гуруҳ босқичи доирасидаги «Бунёдкор» ва «Санфречче Хиросима» жамоалари ўртасидаги ўйин бўлиб ўтишидан хабарингиз бор. Шу муносабат билан «Бунёдкор» стадиони конфренс залида ҳар икки жамоа мураббийлари ўртасидаги матбуот анжумани бўлиб ўтди.
Матбуот анжуманининг биринчи қисмида меҳмонлар устози Ҳажиме Мариясу иштирок этди.
— Бу галги ўйин Бунёдкор стадионида бўлаётгани учун биз учун қийин бўлиши аниқ, лекин биз ғалаба учун ўйнаймиз. Яхши ният билан келдик. Олдимизга қўйган вазифани бажара олмаган бўлсак ҳам ҳаракат қиламиз.
— Нима деб ўйлайсиз, нимага жамоа чемпионлар лигасида ёмон иштирок этди?
— Рақибларимиз бу мусобақада кучли ҳаракат қилишди. Кейинги ўйинларда яхшироқ натижа кўрсатишга уринамиз.
— Футболчиларнинг ҳолати қандай? Чарчоқ кўзга ташланмадими? Сизлар Корея орқали келдингиз?
— Тўғри, бизда Корея орқали келганимиз учун бир қадар чарчоқ аломатлари сезилди, лекин ҳали машғулот ўтказмадик ва футболчиларнинг ҳолатини яхши аниқлаб олмадик. Лекин бу бизнинг ўйинимизга таъсир қилмайди деб умид қиламан.
— «Хиросима» 10 кун ичида 4 та ўйин ўтказади. Айтингчи, сиз учун чемпионлар лигасидаги ўйин муҳимми ёки Ж лигадаги?
— Бу 4 та ўйиннинг барчаси биз учун муҳим. Барчасида ғалаба қозонишни хоҳлаймиз.
— Эртанги ўйинда Бунёдкорни енгиш имкониятларини қандай баҳолайсиз?
— Эртага фақат ғалаба учун майдонга тушамиз.
— 11 рақамли футболчи нимага Тошкентга келмади?
— Биз унинг ўрнига ёш футболчини олдик ва ёшларга имкон бердик.
—Айни сиз айтган футболчи тўпурар ҳужумчи эди ва бундан жамоанинг чемпионлар лигасига эътибори Ж лигага қараганда пастроқ деб баҳолаш мумкинми?
— Биз ҳар бир ўйинга эътиборлимиз. 11 рақамли футболчининг келмагани эътиборсизликдан эмас, шунчаки ёшларга йўл очишни хоҳлаймиз. Бунёдкорнинг «Похан» билан ўйинида ҳам сизнинг жамоангиз ёш футболчини майдонга ташлаган ва бу Бунёдкорга натижа кетирган эди.
— Гуруҳдан кейинга босқичга чиқиш имконингиз қолмади. Сизнингча гуруҳдан кимлар кейинги босқичга чиқади?
— Бунёдкорнинг чиқиши аниқ деб ўйлайман. Қолган икки жамоада ҳам имкониятлар бор»,- дейди мураббий.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
