Шу йилнинг 18 июнь санасида бўлиб ўтган «Қумқўрғон-1977» - «Қизириқ» учрашуви (0:3) якунида мезбон жамоа бош директори Улуғбек Сатторов қатор номақбул ишларга қўл ургани хабар қилинган, кейинроқ 25 июль куни ЎФА Тартиб-интизом қўмитаси мазкур ишни ўрганиб чиқиб, тегишли қарор чиқарганди.
Жумладан, Қумқўрғон жамоаси ҳамда жамоа бош директорига нисбатан жарима интизом чораси қўлланилган бўлиб, қарорда мазкур жарима 15 кун ичида тўланиши, қарор ижроси ўз вақтида амалга оширилмаса, «Қумқўрғон-1977» жамоаси Биринчи лига учрашувларига қўйилмаслиги белгилаб қўйилган.
Ёзни танаффусдан кейин Биринчи лиганинг икки тури ортда қолган бўлиб, Лига бунда «Қумқўрғон-1977» жамоаси иштирокидаги икки учрашувни ташкил қилди. Бироқ жарима суммаси қатор огоҳлантиришларга қарамай, ўз вақтида тўлаб берилмади.
Шундан келиб чиқиб, Биринчи лига 16-туридан ўрин олган «Қумқўрғон-1977» — «Жиззах» ўйинига Лига расмийлари юборилмади ҳамда мезбон жамоага техник мағлубият ёзилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).