Маркос Пакета: «Эртага ҳар иккала жамоа ғалаба учун майдонга тушади»
"Пахтакор" ва "Аш-Шабоб" жамоалари ўртасидаги баҳсдан олдинги матбуот анжуманининг дастлабки қисмида меҳмонлар бош мураббийи Маркос Пакета ва футболчи Довуд Ал-Блуший иштирок этди.
— Бизни жуда кучли рақибга қарши ўйин кутиб турибди. Ҳар иккала жамоа эртага ғалаба учун ўйнайди. Фақат ғалабагина жамоаларни плей-оффга олиб чиқиши мумкин. Шунинг учун шиддатли ўйин бўлишини кутяпман.
— Азиз Ҳайдаров БАА миллий чемпионатининг сўнгги турида майдонга тушмади. Бу нима билан боғлиқ: футболчига дам бердингизми ёки бошқа сабаби борми?
— БАА чемпионати тақвими шундай тузилганки, ҳафтасига 2-3та ўйин ўтказамиз. Миллий чемпионат, Президент кубоги ва бошқа ўйинларда майдонга тушамиз. Мен эса муҳим ўйинлар олдидан етакчи ўйинчиларга дам бераман. Азиз Ҳайдаров Тошкентга ташриф буюрган ва у эртага майдонга тушиши мумкин.
— Жамоада 2та ўйинчи дисквалификация туфайли майдонга туша олмайди. Клубда бошқа йўқотишлар йўқми?
— Уларнинг ўрнини боса оладиган футболчилар сафимизда бор. Хавотирга ўрин йўқ. Жамоанинг кўп сариқ карточка борасида эса "Пахтакор"да ҳам шундай аҳвол.
— Ўйин эртага кеч соат 21:00да бошланади. Бундай ҳолат жамоа ўйинига таъсир кўрсатиши мумкинми?
— Ҳар бир жамоа ҳар қандай вазиятда ўйнаши лозим. Ўйиннинг кеч бошланиши араб вақти учун ҳаттоки қулай ҳисобланади.
— "Лахвия"га қарши ўйинда жамоангиз ўйинни иккинчи рақамли жамоа сифатида бошлади ва гол ўтказиб юборганидан кейин ташаббусни қўлга олиб, кейин жамоа гол урди. Эртага жамоангиз қандай ўйин намойиш қилади: ҳужумкорми ёки ҳимоявий?
— Эртага ўйинга қандай тактика танлашимни ошкор этмайман. Эртага ҳужумкор ва кучли ўйин бўлади. Боиси, ўртага плей-офф йўлланмаси турибди.
— "Пахтакор"га қарши биринчи ўйинда жамоангиз мағлубиятга учраганди. Ўша ўйинда камчиликларни ўрганиб чиқдингизми?
— Биринчи ўйин ҳам чиройли ўтганди. Натижа учун кутилмаган бўлмади, деб айта олмайман. Боиси, "Пахтакор" таркиби ёш футболчилардан ташкил топган. Ўша ўйин натижасини унутиб, эртага фақат ғалаба учун майдонга тушамиз. Биринчи ўйин натижаси у ёки бу жамоанинг кучлилигини билдирмайди.
Киритилди: 12:18, 30.04.2013. Ўқилди: 3856 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
