Хабарингиз бор, англиялик футбол юлдузи, «ПСЖ» клуби аъзоси Девид Бекхэм мавсум якунига етгач футболчилик фаолиятини якунлаши ҳақида расман эълон қилди. Ушбу воқеадан сўнг, бир пайтлари Бекхэм билан тўп сурган ва бугунги кунда «Sky Sports» телеканалида шарҳловчилик қилаётган Гари Неввил суҳбат олиб борди. Ушбу интервюнисизнинг эътиборингизга ҳавола этамиз.
– Фаолиятингизни якунлашингиз ҳақида эълон қилдингиз, нега айнан ҳозир?
– Биласизми, қачонки ўзингизни тайёр деб ўйласангиз, шунда айтишингиз мумкин. Менимча мен ҳозир шундай дейишга тайёрман. Ушбу қарорни қабул қилиш осон эмас, чунки мен ҳали яна юқори савияда ўйнай олишимни ва охирги олти ойда қилган ишларимни такрорлашим мумкинлигини ҳис қилиб турибман. Бироқ, мен ҳар доим ўзимга юқори савияда ўйнаб турганимда кетишим кераклиги ҳақида айтиб келганман. Агар сиз мендан саккиз ой аввал Франсия Лигасида ўйнаб, Франсия чемпионлигини қўлга киритиб мавсумни бугунгидай якунлашим эҳтимоли ҳақида сўраганингизда, мен «бундай имконият бўлиши мумкин эмас» деб жавоб берган бўлардим. Бироқ, менга «ПСЖ» шундай имкониятни берди ва ўйлашимча, ҳозир фаолиятни якунлашнинг айни вақти.
– Қачон шундай қарорга келдингиз? Қачондан бундай фикр сизни безовта қила бошлади?
– Аниғини билмайман, лекин тахминан Месси мендан югуриб ўтиб кетаётганида шундай қарорга келдим. Фаолиятим давомида омадга эришганимни ҳис қилдим. Қайсики клубда қандай футболчилар билан ўйнаган бўлсам, барчасида совринлар ютдим. Ўтган йили МЛСда ўйнаб чемпион бўлгач ва «ПСЖ» таркибида Франсия чемпионлиги қўлга киритгач, тушуниб етдимки, ҳозир қарор қабулқилиш учун қулай вақт.
– Сиз ҳар доим қайси клубдан кетган бўлсангиз чемпион сифатида кетгансиз – «Манчестер Юнайтед», «Реал», «Гэлакси»… Энди «ПСЖ» билан чемпион сифатида кетаётганингиз сиз учун муҳимми?
– Менимча бу ҳар қандай спортчининг орзуси. Ҳар бир футболчи юқори ўринда бўлишни ёки бирор совринни ютишни истайди. Бу тез-тез содир бўлавермайди, лекин мен анча омадлиман. «Юнайтед»ни тарк этганимда биз чемпион бўлдик. Мадридни чемпион сифатида тарк этдим. «Гэлакси»да кетма-кет икки йил чемпион бўлдим ва «ПСЖ»га келишим билан ян чемпионман. Бундай ҳолда кетиш ёқимли. Одамлар ортга назар ташлашса ҳаммаси оддий қилиб ёзиб қўйилган: сиз чемпион сифатида кетяпсиз. Шунинг учун ҳам мен айни вақти деб ўйлаяпман.
– Ўтган 22 йиллик фаолият ва эришилган муваффақиятлардан келиб чиқиб, одамлар сизни қандай футболчи ва инсон сифатида эслашларини хоҳлайсиз?
– Ўйлашимча, йиллар ортида менинг ҳаётим ва фаолиятим ётибди. Одамлар мени меҳнаткаш футболчи сифатида эслашларини хоҳлардим. Фаолиятимда дунёнинг кучли клубларида кучли футболчилар билан бирга буюк мураббийлар қўл остида футбол ўйнадим ва нимагаки эришган бўлсам ҳаммаси футбол сабабли. Агар одамлар шулар ҳақида эмас, мен ҳақимдаги бошқа нарсалар ҳақида ўйлашса кўнглимга озор етиши турган гап. Фаолиятим давомида ортга назар ташлаб айтишим мукинки, мен қайси клубда ўйнаган бўлсам, барчасида муваффақият қозондим. Терма жамоам сафида 115 марта майдонга чиқдим. Икки марта «Дунёнинг энг яхши футболчиси» совринида энг кучли футболчилардан кейин иккинчи бўлдим – буларнинг барчаси билан фахрланаман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
