Эрон миллий терма жамоасининг Уммонга қарши ўртоқлик ўйинида мағлбуиятга учрагани (1:3) форс мухлислари ва мутахассислари учун кутилмаган ҳол бўлди ва улар буни "огоҳлик қўнғироғи" сифатида қабул қилишди.
"Ушбу мағлубият Қатарга қарши муҳим ўйинга 2 ҳафта қолганида юз бергани хавотирлидир. Агар Қатарга ютқазиб қўйсак, ЖЧга чиқиш ҳақидаги орзуларимиздан бутунлай маҳрум бўлишимиз мумкин", дея ёзади www.teammelli.com сайти. "Узоқ вақт давомида терма жамоа ўз имкониятларидан паст савияда ўйнаши, тарихий мағлубиятлар, нурсиз ўйин, таркибнинг тўғри танланмаслиги ва бошқа омиллар Кейруш терма жамоа билан яхши ишлай олмаётганини билдиради. Шу пайтгача ўзининг мантиғи билан ўзини оқлашга уриниб келган мураббий барчадан қўллаб-қувватлашни талаб қилмоқда. Аммо муҳим ўйинлар арафасида бу жуда кеч бўлиши мумкин".
"Уммон билан ўйиндаги мағлубият сабабларини кўп омиллар билан изоҳлаш мумкин. Масалан, юқори об-ҳаво ҳарорати, юқори намлик ва асосий таркибнинг 10 нафар футболчисининг йўқлиги. Лекин, рақиб ҳам шундай шароитда ва асосий таркибнинг бир неча нафар футболчиларисиз ўйнаганини таъкидлаш лозим. Шунга қарамай, Уммон жуда яхши ўйнади, дарвозамизга 3та гол урди. Бу ҳолат эса эронлик футболчиларнинг жисмоний ҳолати ҳақида қайғуриш кераклигини билдирмоқда. Шунингдек, юқори ҳароратли ҳавода ўйнаш, ёмон тактик тайёргарлик ҳам кўзга ташланди", дея ёзишда давом этади номи юқорида келтирилган сайт.
"4 июнь санаси яқинлашмоқда. Доҳада об-ҳаво худди Масқатдагидек бўлади. Уммонга қарши ўйин эса Эрон футболчиларининг об-ҳавога чидамлилик хусусиятини синовдан ўтказди. Ўйинчиларинг жисмоний ҳолати ва об-ҳавога мослашувчанлигидан ҳам ёмонроғи ҳужумда ўзгаришларнинг йўқлигидир. Тўпнинг қанотлардан ҳаволатиб етказилиши ва ҳужумчининг бош билан гол уришига умид қилиниша Кейруш жамоасининг асосий хусусияти бўлиб қолмоқда. Агар рақиб бу услубни йўққа чиқарса, миллий терма жамоада рақиб ҳимоясини ёриб ўтиш учун бошқа вариантлар йўқ", дея ёзилади манбада.
"Тўғри, вақт жуда кам. Жамоанинг ўйинини қайтадан ташкил қилиб бўлмайди. Жамоа ўзига бўлган ишонч ва иштиёқни қайтариши лозим. Эрон терма жамоаси футболчилари қийин вазиятларда ҳам ўз ишларини бажаришга ҳаракат қилишаётгани — ягона қувонтирадиган жиҳат. Ушбу жиҳат навбатдаги 3та ўйинда терма жамоага умид боғлашимизга ёрдам беради. Ҳозирча эса ўйинчиларнинг техник қобилиятлари у қадар кўзга ташланаётгани йўқ", дея мақолани тугатган www.teammelli.com сайти.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
