Бугун Ёшлар лигаси пешқадами — "Локомотив"ни қабул қилган ёш "насаф"чилар рақибларидан ҳар томонлама устун эканликларини намойиш этишди.
Агар яратилган имкониятларнинг ҳеч бўлмаганда учдан бир қисмидан унумли фойдаланганида таблодаги ҳисоб ўта йирик кўринишга келиши мумкин эди. Тошкентлик футболчилар ўз дарвозаларидан биринчи гол ўтказиб юборгунларига қадар мезбонларга жиддий қаршилик кўрсатишди. 26-дақиқада бурчакдан узатиб берилган тўпни ҳимоячи Сарвар Холмуродов бош билан дарвозага аниқ йўллаб, ҳисобни очди -1:0.
Голдан кейин ҳам қаршиликлар ташаббусни ўз қўлларида сақлаб туришди. Айниқса, қарши ҳужумларда Аннаматов шогирдлари бир неча бор қулай вазиятларга эга бўлишди. Аммо ҳал қилувчи зарбаларни беришда футболчиларимизга аниқлик етишмади.
Иккинчи бўлимнинг 59-дақиқасида меҳмонлар ўз жарим майдончалари ичида Жавоҳир Ашуровга нисбатан қўполлик ишлатилди. 11 метрлик жарима тўпини жарохатдан қутулиб майдонга қайтган Санжар Баратов бехато амалга оширди – 2:0.
Ўйин охирига қадар ёш футболчиларимизда яна тўрт марта ҳисобни ошириш учун имконият бўлсада, ундан самарали фойдаланишда оқсашди. Шунга қарамай икки турдан буён ғалабага эриша олмаган Аннаматов шогирдлари турнир жадвали пешқадами “Локомотив” футболчиларга мавсумдаги илк мағлубиятни “туҳфа” этиб, ўз имкониятларини яхшилаб олишди.
Ёшлар лигаси. 9-тур. 24.05.2013.
«Насаф» - «Локомотив» 2:0 (1:0)
Голлар: Сарвар Холмуродов (26), Санжар Баратов (59)
Огоҳлантиришлар: Смоляченко (12), Раҳматуллаев (43), Нормуродов (65), Нарзуллаев (79).
“Насаф”: 21. Ғайратжон Ҳасанов (35. Жавоҳир Комилов, 88), 2. Шерзод Аъзамов, 4. Мирзамурод Жўрабоев, 8. Жавоҳир Ашуров (16. Дониёр Нарзуллаев, 73), 10. Азизбек Маликов (18. Улуғбек Дадабоев, 40), 11. Санжар Баратов (13. Дилшод Хушбаков, 77), 14. Илҳом Усубжонов, 17. Обид Мамотов (9. Мирзакамол Камолов, 46), 23. Жамолиддин Машарипов, (6. Акбар Мурадов, 86) 24. Нажмиддин Нормуродов (19. Миржалол Мўминов, 87), 25. Сарвар Холмуродов.
“Локомотив”: 1. Сарвар Каримов (31. Артур Парванов, 46), 4. Аббос Пўлатов, (5. Расулжон Рахмонбердиев, 86)22. Миршоҳид олимов, 13. Рустам Аъзамов. 17. Қувондиқ Рўзиев, 18. Павел Смоляченко, 29. Икром Алибаев, 6. Дилшод Раҳматуллаев, 15. Суннат Саидов (10. Бобирбек Тиллабоев, 63), 11. Александр Шадрин (21. Карен Абрамов, 33), 29. Дониёр Усмонов (8.Диёр Усмонхўжаев, 75).
Ҳакамлар: Николай Мешков, Фирдавс Норсафаров, Комилжон Расулов, Артём Калинин.
Назоратчи: Игорь Нехочин.
Қарши шаҳри. “Насаф” стадиони.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
