Гибралтар расман УЕФА аъзолигига қабул қилинди
Ўтган йилнинг кузида вақтинчалик УЕФА аъзолигига қабул қилинган Гибралтар футбол ассоциацияси бугун тўлиқ ва тенг ҳуқуқли аъзо сифатида ташкилотга кирди, дея хабар тарқатган Англия футбол ассоциацияси расмий твиттери.
Шу тариқа, УЕФА таркиби ва Евро-2016 саралашида иштирок этадиган жамоалар сони 54тага етди. Европа футболи рахбари Мишел Платинининг BBC мухбири билан суҳбатда маълум қилишича, Франция-2016 саралаши учун қурьа жараёнида Испания ва Гибралтар терма жамоалари бир гуруҳга тушиб қолишининг олди олинади. Худди шундай чора Арманистон ва Озарбайжон терма жамоаларига нисбатан ҳам қўлланилади. Эслатиб ўтамиз, Евро-2016 саралаши учун қурьа 2014 йил февралида Ницца шаҳрида бўлиб ўтади.
Қўшимча қилиб айтиз жоиз, ўтган йилнинг декабр ойида ФИФА президенти Йозеф Блаттер Гибралтар БМТ томонидан мустақил давлат дея тан олинмаганлиги эътиборга олинган ҳолда ФИФА аъзолигига қабул қилинмаслигини айтиб ўтган эди.
Манба: www.sport-express.ru
Киритилди: 21:14, 24.05.2013. Ўқилди: 5913 марта. Фикрлар: 9 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар