Куни кеча черногориялик ҳимоячи Лука Ускокович "Андижон" аъзоси сифтаида таништирилди. Тажрибали ҳимоячи жамоанинг Анталиядаги йиғинидаги иштирокини аллақачон бошлаган.
Ускокович клуб матбуот хизматига илк интервьюсини берди ва илиқ фикрларни билдирдиб ўтди.
— Лука, «Андижон» клубига хуш келибсиз! Қарорингиздан мамнун эканингиз кўриниб турибди...
— Яхши кутиб олганинглар учун раҳмат. Жуда хурсандман ва бу ерда бўлишдан мамнунман.
— Келишингиздан аввал клуб ва шаҳар ҳақида маълумотлар тўплагандирсиз-а?
— Мен жуда кўп маълумотлар йиғдим. Клуб ва шаҳар ҳақида яхши фикрлар эшитдим.
— Ўзбекистон чемпионатини қанчалик биласиз?
— Ўзбекистон чемпионати ҳақида асосан позитив фикрларни айтишди. Бу мен учун янги чақирув ва янги синов. Ўзбекистон чемпионатидаги саргузаштларим бошланишини интизорлик билан кутяпман.
— Сиздан олдин ҳамюртингиз Миомир Журичкович ҳам «Андижон» аъзосига айланган. Уни яхши билсангиз керак-а?
— Миомирни яхши биламан, у жуда ажойиб футболчи. Умуман олганда, у яхши йигит. У билан яхши чиқиб кета олишимизга ва жамоада барқарор ўйнай олишимизга ишонаман. Биз тандем сифатида ҳам муваффақиятли ҳаракат қила оламиз, деб умид қиламан.
— Сиз Словенияда 3 марта мамлакат чемпионлигини қўлга киритгансиз. Бундай лаҳзалар ҳар бир футболчи учун ёқимли ва Ўзбекистонда ҳам шундай бўлишига умид қилаётгандирсиз?
— Ҳа, футболчи учун титуллар доим муҳим ва бу ҳамиша ёқимли. Ҳар доим Кубокларни қўлга киритилишини хоҳлайди. Бу клуб учун ҳам, индивидуал томондан ҳам жуда яхши, муҳим саналади. Ишонаманки, ажойиб натижаларга эриша оламиз. Айнан мана шу мақсадда мен ушбу жамоага келдим. Унинг мақсадларини рўёбга чиқаришда ўз ҳиссамни қўшмоқчиман. Мен қўядиган вазифалар орасида энг олийси, албатта титулларни қўлга киритиш ҳисобланади.
— Жамоамизнинг мухлисларига қандай гапингиз бор?
— Бизнинг мухлисларимизга ваъда беришим мумкин бўлган ягона нарса шуки, индивидуал ва жамоа тарафидан имкониятимизда бор бўлган барча нарсани берамиз. Қўлимиздан келганича курашамиз. Ишқибозларни хурсанд қилиш учун ғалабаларимиз, яхши ўйинлармиз ва совринлар билан қувонтирамиз. Ишонаманки, олдимизда кутиб турган мавсум муваффақиятли кечади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
