Хабар берганимиздек, «Навбаҳор» бугун Дубайдаги ўқув-машғулот йиғини доирасидаги сўнгги, бешинчи назорат - синов баҳсини БААнинг “Рояль” (Дубай) жамоасига қарши ўтказди. Мазкур учрашувда “лочинлар” йирик - 16:0 ҳисобида ғалаба қозонишди.
Голларга Гильермо Гедеш (3 та), Шаҳзод Убайдуллаев, Русланбек Жиянов, Алишер Одилов, Наврўзбек Иминжонов, Пўлатхўжа Холдорхонов (барчаси 2 тадан гол уришган), Сергей Карпович, Комилжон Тожидинов ва Аббосжон Ғуломов муаллифлик қилишди.
Мазкур ўйинда жамоа бош мураббийи Сергей Лушан майдонга қуйидаги таркибни туширди: Умиджон Эргашев, Азимжон Аҳмедов, Мирзоҳид Ғофуров, Сергей Карпович, Гильермо Гедеш, Игорь Габриэль, Русланбек Жиянов, Жаҳонгир Турсунов, Комилжон Тожидинов, Алишер Одилов, Наврўзбек Иминжонов.
Захирадан майдонга тушганлар: Шукрон Йўлдошев, Шаҳзодбек Тоиров, Саидазамат Мирсаидов, Достонбек Абдулҳаев, Бенжамин Тейди, Забиҳилло Ўринбоев, Шоҳмалик Комилов, Пўлатхўжа Холдорхонов, Шаҳзод Убайдуллаев, Аббосжон Ғуломов, Шерзод Ғуломжонов, Миржалол Абдумуталов, Зафар Раҳимжанов.
«Навбаҳор»нинг БААдаги ўқув машғулот йиғини эртага якунланади.
“Навбаҳор” ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).