«Ювентус» Италия дербисида ғалаба қозониб, «Интер»нинг пешқадам бўлишига тўсқинлик қилди. Симоне Индзаги жамоаси Туринда ғалаба қозонганда биринчи ўринга чиқиши мумкин эди, аммо ҳозир ҳамон «Наполи»дан икки очко орқада қолмоқда.
«Ювентус» бош мураббийи ва собиқ «Интер» футболчиси Тьяго Мотта ўйиндан олдин Италия чемпионини қандай тўхтатиш режаси борлигини айтган эди:
«Бу жуда муҳим ўйин. Биз ҳимояни яхши ташкил этишимиз ва биринчи дақиқадан охиригача жамоавий ҳаракат қилишимиз керак. Ҳимояда ҳам, ҳужумда ҳам бир жамоа бўлиб ҳаракат қилишимиз лозим. Ўтиш фазалари ва стандарт ҳолатларга алоҳида эътибор қаратишимиз зарур. Бу — ўйиннинг муҳим жиҳати. Биз ўз ҳис-туйғуларимизни назорат қила олишимиз керак».
Биринчи бўлим: юқори суръатлар ва ҳужумлар «Ювентус» футболчилари Мотта берган топшириқларни бажара олишди. Улар ҳатто тезкор гол уриши мумкин эди — Павар йиқилди, «Кекса синьора» эса дарҳол ҳужумга ўтди, аммо Гонсалес аниқ зарба йўллай олмади. «Интер» эса тезкор ҳужумлари орқали хавфли вазиятлар яратди. Улардан бири Таремийнинг «қайчи» зарбаси бўлди, аммо Ди Грегорио тўпни қайтара олди. Думфрис боши билан уришида эса аниқлик етмади.
Иккинчи бўлим: «Ювентус» устунликни қўлга олди Иккинчи бўлимда «Ювентус» кўпроқ тўп назоратини қўлга олди. «Интер» эса прессингга эътибор қаратди. Тюрам ажойиб дриблинг билан диққатга тушди, унинг ўйинини трибуналарда отаси, машҳур Лилиан Тюрам кузатиб турди.
74-дақиқа: Коло Муани ўзининг кучли ўйинини намоён қилди! У тўпни рақиб ҳимоячилари орасида ушлаб қолди ва Консейсауга пас берди. У эса аниқ зарба билан гол урди — 1:0!
Бу ғалаба «Ювентус» учун жуда муҳим бўлди. Улар кетма-кет тўртинчи ғалабасини қўлга киритди. Балки Турин клуби яна ўзининг олдинги қудратига қайтаётгандир?
«Интер» биринчи ўринга чиқиш имкониятини бой берди. Жамоа 54 очко билан 2-ўринда бормоқда. «Наполи»дан ортда қолиш 2 очкони ташкил этмоқда.
«Ювентус» эса барча мусобақаларда кетма-кет 4-ғалабасини қўлга киритди. «Интер» эса сўнгги тўрт ўйинда фақат 1 ғалаба, 1 дуранг ва 2 мағлубият қайд этган.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
