«Yuventus» Italiya derbisida g‘alaba qozonib, «Inter»ning peshqadam bo‘lishiga to‘sqinlik qildi. Simone Indzagi jamoasi Turinda g‘alaba qozonganda birinchi o‘ringa chiqishi mumkin edi, ammo hozir hamon «Napoli»dan ikki ochko orqada qolmoqda.
«Yuventus» bosh murabbiyi va sobiq «Inter» futbolchisi Tyago Motta o‘yindan oldin Italiya chempionini qanday to‘xtatish rejasi borligini aytgan edi:
«Bu juda muhim o‘yin. Biz himoyani yaxshi tashkil etishimiz va birinchi daqiqadan oxirigacha jamoaviy harakat qilishimiz kerak. Himoyada ham, hujumda ham bir jamoa bo‘lib harakat qilishimiz lozim. O‘tish fazalari va standart holatlarga alohida e’tibor qaratishimiz zarur. Bu — o‘yinning muhim jihati. Biz o‘z his-tuyg‘ularimizni nazorat qila olishimiz kerak».
Birinchi bo‘lim: yuqori sur’atlar va hujumlar «Yuventus» futbolchilari Motta bergan topshiriqlarni bajara olishdi. Ular hatto tezkor gol urishi mumkin edi — Pavar yiqildi, «Keksa sinyora» esa darhol hujumga o‘tdi, ammo Gonsales aniq zarba yo‘llay olmadi. «Inter» esa tezkor hujumlari orqali xavfli vaziyatlar yaratdi. Ulardan biri Taremiyning «qaychi» zarbasi bo‘ldi, ammo Di Gregorio to‘pni qaytara oldi. Dumfris boshi bilan urishida esa aniqlik yetmadi.
Ikkinchi bo‘lim: «Yuventus» ustunlikni qo‘lga oldi Ikkinchi bo‘limda «Yuventus» ko‘proq to‘p nazoratini qo‘lga oldi. «Inter» esa pressingga e’tibor qaratdi. Tyuram ajoyib dribling bilan diqqatga tushdi, uning o‘yinini tribunalarda otasi, mashhur Lilian Tyuram kuzatib turdi.
74-daqiqa: Kolo Muani o‘zining kuchli o‘yinini namoyon qildi! U to‘pni raqib himoyachilari orasida ushlab qoldi va Konseysauga pas berdi. U esa aniq zarba bilan gol urdi — 1:0!
Bu g‘alaba «Yuventus» uchun juda muhim bo‘ldi. Ular ketma-ket to‘rtinchi g‘alabasini qo‘lga kiritdi. Balki Turin klubi yana o‘zining oldingi qudratiga qaytayotgandir?
«Inter» birinchi o‘ringa chiqish imkoniyatini boy berdi. Jamoa 54 ochko bilan 2-o‘rinda bormoqda. «Napoli»dan ortda qolish 2 ochkoni tashkil etmoqda.
«Yuventus» esa barcha musobaqalarda ketma-ket 4-g‘alabasini qo‘lga kiritdi. «Inter» esa so‘nggi to‘rt o‘yinda faqat 1 g‘alaba, 1 durang va 2 mag‘lubiyat qayd etgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
