Бу ёзда энг яхши клубларда тўп сураётган бир қатор юлдуз футболчилар эркин агент мақомини олиши мумкин. Баъзиларнинг тақдири ҳали ҳал қилинмаган, бошқалар эса янги шартнома имзоламасликка қарор қилишган. Масалан, «Ливерпул» Трент Александер-Арнолдни ушлаб қолиши амримаҳол, чунки у «Реал»га ўтишни жуда истамоқда. Шунингдек, катта клубларда шартномаси якунланадиган футболчилар учун катта кураш бошланган.
1. Муҳаммад Салоҳ («Ливерпуль»)
32 ёшли мисрлик иккинчи ёшлигини бошдан кечирмоқда ва ҳозирги пайтда карьерасининг энг яхши мавсумини ўтказмоқда. У 39 ўйинда 30 гол ва 22 ассист билан Европада «гол+пас» кўрсаткичи бўйича пешқадам.
Салоҳ «Ливерпуль» сафида саккиз мавсум ўтказган ва уларнинг еттитасида Юрген Клопп бош мураббий бўлган. Арне Слот бошчилигидаги янги давр Салоҳни хафа қилмаслиги мумкин, чунки клуб Англия чемпионлиги сари йўл олган ва Чемпионлар Лигасининг фаворитларидан бири саналади. Шу сабабли, у яна бир неча мавсум жамоада қолиши эҳтимоли бор.
Қизиқиш билдирувчилар: «Реал», «Барселона»
2. Йозуа Киммих («Бавария»)
30 ёшли ярим ҳимоячи «Бавария» сафида 10 йил ўйнади, аммо клуб унга янги шартнома таклифини қайтариб олди, чунки у жавоб беришда ортиқча иккиланди.
Киммихга «Арсенал», «ПСЖ», «Барселона» ва «Манчестер Сити» қизиқиш билдирмоқда. Агар у бошқа лигада кучини синаб кўрмоқчи бўлса, ҳозир энг яхши фурсат.
Қизиқиш билдирувчилар: «Барселона», «Реал»
3. Кевин Де Брюйне («Манчестер Сити»)
Бельгиялик футболчи жароҳатлар сабабли аввалги формасини йўқотган. «Сити» ёзда катта ўзгаришлар қилишни режалаштирмоқда. Де Брюйне жамоада қолишни истаса, асосий таркибдаги жойи кафолатланмаслигини ва маошининг 2,5 баробар камайишини қабул қилиши керак бўлади.
Қизиқиш билдирувчилар: «Барселона», «Реал»
4. Виржил ван Дейк («Ливерпуль»)
Жамоа сардори янги шартнома борасида музокаралар олиб бормоқда, аммо ҳали якуний қарор қабул қилинмаган. Агар у эркин агент бўлиб қолса, «Барселона», «Реал» ва «Бавария» каби грандлар уни ўз сафига қўшиб олишга ҳаракат қилади.
Қизиқиш билдирувчилар: «Барселона», «Реал», «Бавария»
5. Лерой Сане («Бавария»)
Клуб раҳбарлари асосий эътиборни Жамал Мусиала билан янги шартнома тузишга қаратди, шу сабабли Сане масаласи иккинчи планга тушиб қолди. «Барселона» вингерни олиб келишни асосий мақсадларидан бири қилиб белгилаган.
Қизиқиш билдирувчилар: «Барселона», «Арсенал», «Манчестер Юнайтед»
6. Жонатан Дэвид («Лилль»)
Канадалик ҳужумчи Франция чемпионатида юлдузга айланди. Бу мавсумда у Чемпионлар Лигасида 8 ўйинда 6 гол урди. Эркин агент сифатида у катта клубга ўтиш имкониятига эга.
Қизиқиш билдирувчилар: «Барселона»
7. Неймар («Сантос»)
31 ёшли бразилиялик «Ал-Ҳилол»га кетгач, жиддий жароҳат олди ва бир йилга сафдан чиқди. Ҳозир у «Сантос»да ўйнаб, жисмоний ҳолатини тикламоқда. У «Барселона»га қайтишни жуда истамоқда ва ҳозирда клуб билан музокаралар олиб бормоқда.
Қизиқиш билдирувчилар: «Барселона»
8. Жонатан Та («Байер»)
«Байер»ни тарк этиш ниятини билдирган 29 ёшли ҳимоячига «Барселона» қизиқиш билдирмоқда. Ханси Флик уни ўз жамоасида кўришни истайди.
Қизиқиш билдирувчилар: «Барселона»
9. Виктор Линделёф («Манчестер Юнайтед»)
Швед ҳимоячиси катта эҳтимол билан «МЮ»ни тарк этади. Унинг исми «Фенербахче» билан боғланмоқда, аммо ҳозирча бошқа жиддий талабгорлар кўринмаяпти.
Қизиқиш билдирувчилар: «Фенербахче».
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
