Bu yozda eng yaxshi klublarda to‘p surayotgan bir qator yulduz futbolchilar erkin agent maqomini olishi mumkin. Ba’zilarning taqdiri hali hal qilinmagan, boshqalar esa yangi shartnoma imzolamaslikka qaror qilishgan. Masalan, «Liverpul» Trent Aleksander-Arnoldni ushlab qolishi amrimahol, chunki u «Real»ga o‘tishni juda istamoqda. Shuningdek, katta klublarda shartnomasi yakunlanadigan futbolchilar uchun katta kurash boshlangan.
1. Muhammad Saloh («Liverpul»)
32 yoshli misrlik ikkinchi yoshligini boshdan kechirmoqda va hozirgi paytda karyerasining eng yaxshi mavsumini o‘tkazmoqda. U 39 o‘yinda 30 gol va 22 assist bilan Yevropada «gol+pas» ko‘rsatkichi bo‘yicha peshqadam.
Saloh «Liverpul» safida sakkiz mavsum o‘tkazgan va ularning yettitasida Yurgen Klopp bosh murabbiy bo‘lgan. Arne Slot boshchiligidagi yangi davr Salohni xafa qilmasligi mumkin, chunki klub Angliya chempionligi sari yo‘l olgan va Chempionlar Ligasining favoritlaridan biri sanaladi. Shu sababli, u yana bir necha mavsum jamoada qolishi ehtimoli bor.
Qiziqish bildiruvchilar: «Real», «Barselona»
2. Yozua Kimmix («Bavariya»)
30 yoshli yarim himoyachi «Bavariya» safida 10 yil o‘ynadi, ammo klub unga yangi shartnoma taklifini qaytarib oldi, chunki u javob berishda ortiqcha ikkilandi.
Kimmixga «Arsenal», «PSJ», «Barselona» va «Manchester Siti» qiziqish bildirmoqda. Agar u boshqa ligada kuchini sinab ko‘rmoqchi bo‘lsa, hozir eng yaxshi fursat.
Qiziqish bildiruvchilar: «Barselona», «Real»
3. Kevin De Bryuyne («Manchester Siti»)
Belgiyalik futbolchi jarohatlar sababli avvalgi formasini yo‘qotgan. «Siti» yozda katta o‘zgarishlar qilishni rejalashtirmoqda. De Bryuyne jamoada qolishni istasa, asosiy tarkibdagi joyi kafolatlanmasligini va maoshining 2,5 barobar kamayishini qabul qilishi kerak bo‘ladi.
Qiziqish bildiruvchilar: «Barselona», «Real»
4. Virjil van Deyk («Liverpul»)
Jamoa sardori yangi shartnoma borasida muzokaralar olib bormoqda, ammo hali yakuniy qaror qabul qilinmagan. Agar u erkin agent bo‘lib qolsa, «Barselona», «Real» va «Bavariya» kabi grandlar uni o‘z safiga qo‘shib olishga harakat qiladi.
Qiziqish bildiruvchilar: «Barselona», «Real», «Bavariya»
5. Leroy Sane («Bavariya»)
Klub rahbarlari asosiy e’tiborni Jamal Musiala bilan yangi shartnoma tuzishga qaratdi, shu sababli Sane masalasi ikkinchi planga tushib qoldi. «Barselona» vingerni olib kelishni asosiy maqsadlaridan biri qilib belgilagan.
Qiziqish bildiruvchilar: «Barselona», «Arsenal», «Manchester Yunayted»
6. Jonatan Devid («Lill»)
Kanadalik hujumchi Fransiya chempionatida yulduzga aylandi. Bu mavsumda u Chempionlar Ligasida 8 o‘yinda 6 gol urdi. Erkin agent sifatida u katta klubga o‘tish imkoniyatiga ega.
Qiziqish bildiruvchilar: «Barselona»
7. Neymar («Santos»)
31 yoshli braziliyalik «Al-Hilol»ga ketgach, jiddiy jarohat oldi va bir yilga safdan chiqdi. Hozir u «Santos»da o‘ynab, jismoniy holatini tiklamoqda. U «Barselona»ga qaytishni juda istamoqda va hozirda klub bilan muzokaralar olib bormoqda.
Qiziqish bildiruvchilar: «Barselona»
8. Jonatan Ta («Bayer»)
«Bayer»ni tark etish niyatini bildirgan 29 yoshli himoyachiga «Barselona» qiziqish bildirmoqda. Xansi Flik uni o‘z jamoasida ko‘rishni istaydi.
Qiziqish bildiruvchilar: «Barselona»
9. Viktor Lindelyof («Manchester Yunayted»)
Shved himoyachisi katta ehtimol bilan «MYU»ni tark etadi. Uning ismi «Fenerbaxche» bilan bog‘lanmoqda, ammo hozircha boshqa jiddiy talabgorlar ko‘rinmayapti.
Qiziqish bildiruvchilar: «Fenerbaxche».
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
