"Реал Мадрид" бош мураббийи Карло Анчелотти Ла Лиганинг 27-тури доирасида "Райо Вальекано"га қарши ўйин олдидан журналистларнинг саволларига жавоб берди. Ушбу баҳс 9 март куни "Сантьяго Бернабеу"да Тошкент вақти билан 20:15 да старт олади.
Ўйин ҳақида
"Райо" яхши формада – бу жасур жамоа, улар тартибли ва фаол ўйнайди. Учрашув жуда қийин бўлади, биз тайёр бўлишимиз керак. Ла Лига чемпионлиги учун курашни давом эттирмоқчимиз, шунинг учун очколар биз учун жуда муҳим".
Ҳужумчилар ҳақида
"Баъзан Родриго, баъзан Винисиус, баъзан эса Мбаппе ёки Беллингем кўпроқ ажралиб туради – мен ҳар бир ўйиндан кейин баланс чиқармайман. Асосийси, барча футболчилар ҳам ҳимояда, ҳам ҳужумда яхши ўйнашлари керак. Жамоамизда ҳасад йўқ. Агар кимдир ажралиб турса, бошқалар унинг ютуғидан хурсанд бўлади – бу жуда муҳим".
Вальверде позицияси ҳақида
"Феде тайёр, у ўйнай олади. Мен унинг ўнг қанотда ўйнашни унчалик ёқтирмаслигини биламан. У кўпроқ марказда, таянч ярим ҳимояда ёки қанот ҳимоячиси сифатида ҳаракат қилишни афзал кўради. Келажакда у дунёнинг энг яхши футболчиларидан бири бўлади, у ҳозирнинг ўзида ҳам шундай. Унинг асосий позицияси марказий ярим ҳимоя бўлиб қолади, деб ўйлайман".
Флорентино Переснинг туғилган куни ҳақида
"Президентни у учун муҳим кунда табрикладим. У жамоа яхши ўйнашини хоҳлайди, мендан махсус нарса талаб қилмайди. Мен клубга келганимда, у биздан ғалабалар ва совринлар кутишини айтганди. Бўлажак ўйинда биз уни хурсанд қилиш учун кичик совға тайёрлашга ҳаракат қиламиз, каттароғини эса мавсум охирида тақдим этамиз".
"Бетис"га қарши ўйин ҳақида
"Мен хафаман, чунки жамоамиз яхши формада эди ва бундай пасайишни кутмаган эдим. Яхшиямки, "Атлетико"га қарши ўйинда дарҳол яхши жавоб қайтардик. Бу каби оғир мавсумда ҳар доим 100% формада бўлиш қийин. "Манчестер Сити"га қарши ўйин бизга жуда кўп куч сарфлашга мажбур қилди. Умид қиламанки, "Бетис"га қарши ўйиндан олдинги яхши формамизга қайта оламиз".
Мавсумнинг сўнгги қисми ҳақида
"Ҳар бир ўйинда ва ҳар бир мусобақада сўнгги кучимизгача курашамиз. Жадвалимиз жуда зич. Биз беш кунлик дам олишга эга бўлдик, аммо "Бетис"га қарши ўйиндан олдин пайшанба куни соат учда қайтиб келдик. Бизга ҳам жисмоний, ҳам руҳий жиҳатдан қийин бўлади, буни ҳисобга олишимиз керак. Идеал ҳолатда эмасмиз, аммо Испания Кубоги финалига, Ла Лига етакчилигига ва Чемпионлар Лигаси чорак финалига яқин турибмиз".
Камавинга ҳақида
"Ушбу мавсумда барқарорликка эга бўлмади, чунки у икки марта жиддий жароҳат олди ва уч ярим ойгача ўйнай олмади. Ҳозир Камавинга аста-секин ўз формасига қайтаяпти. Охирги ўйинларда бел оғриқларидан азият чекди ва 100% ўйнай олмади, аммо жамоа учун майдонга тушди. Умид қиламанки, мавсум охиригача ўзининг энг яхши формасига қайтади".
Мбаппе ҳақида
"Атлетико"га қарши ўйинда у "Сити"га қарши ўйиндаги каби учта гол урмади. Бироқ, умумий ҳисобда у яхши ҳолатда ва биз ундан мамнунмиз. Килиан доим ҳам энг юқори формада бўлмаслиги мумкин, лекин бу каби оғир мавсумда бу табиий ҳолат. Энг зўр футболчиларнинг ҳам кўтарилиш ва пасайиш даврлари бўлади".
Икки турдаги футболчилар ҳақида
"Мен айтдим: ёки сен югурасан, ёки ўйинга фарқ киритасан. Агар футболчи югурмаса ва фарқ ҳам қила олмаса, у ёмон ўйинчи. Айрим футболчилар бунинг иккаласини ҳам бажара олади. Агар сен югурмасанг, ўйинга катта таъсир ўтказишинг керак. Вальверде бу икки вазифани ҳам мукаммал бажаради".
Родриго ҳақида
"Унинг ҳолати яхши, жамоага жуда кўп ёрдам бермоқда. Жамоамиз кучайди, чунки ҳужумчиларимиз ҳаммаси қаттиқ меҳнат қиляпти".
Модрич ҳақида
"Лука ҳам эртага, ҳам чоршанба куни ўйнай олади. У тикланиш билан боғлиқ ҳеч қандай муаммога дуч келмаяпти. Бу мен учун ҳайратланарли эмас, чунки унинг қандай машғулот ўтказишини кўриб турибман. Лука ёш футболчилар учун ҳақиқий намунадир."
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
