Европа Лигаси 1/8 финал босқичи доирасидан ўрин олган “Атлетик” ва “Рома” ўртасидаги жавоб учрашуви бугун, 13 март куни бўлиб ўтади.
Ушбу жамоалар ўртасидаги дастлабки баҳсда римликлар 2:1 ҳисобида рақибдан устун келган. “Рома”нинг ғалаба голига Элдор Шомуродов муаллифлик қилган.
Бир нечта нуфузли сайтлар Клаудио Раньери ҳали ҳам асосий марказий ҳужумчи борасидаги якуний қарорни қабул қилмагани борасида фикр билдирмоқда. Элдор Шомуродов ва Артём Довбик ўртасидаги танлов фақатгина якуний машғулотдан сўнг ҳал бўлиши ва бу жараёнда мураббий футболчиларнинг жисмоний тайёргарлигидан келиб чиқиб, қарор қабул қилиши айтилмоқда.
Corriere dello Sport нашрига кўра, ҳозирда Шомуродов украиналик ҳужумчига нисбатан бир оз устунликка эга. “Эмполи”га қарши ўйинда бир неча имкониятни бой берганига қарамай, ўзбекистонлик футболчи яхши спорт формаси ва ҳаракатчанлиги билан бошқалардан ажралиб турибди.
Шунингдек, Шомуродовнинг тезкорлиги ва ҳимояга ёрдам бера олиш қобилияти “Рома” учун муҳим омил бўлиши мумкин. Жамоа ҳужум ва ҳимоя ўртасида мувозанатни сақлаб, учрашув натижасини ўз фойдасига ҳал қила олиши тахмин қилинмоқда.
Бошқа ОАВлар эса Довбик тажрибали ва жисмоний жиҳатдан кучлироқ эканлигини айтмоқда. Ўтган мавсум Ла Лига тўпурарига айланган украиналик футболчи “Сан Мамес” стадионидаги муҳитни яхши билади. Шу боис бугунги баҳсда Артём асосий таркибдан жой олиши кераклиги ҳақида хабар бермоқда.
Бир нечта нуфузли футбол сайтлари ушбу учрашувда Клаудио Раньери қайси футболчини дастлабки дақиқалардан майдонга тушириши мумкинлигини тахмин қилган.
Масалан, WhoScored нашри ушбу учрашувда “Рома” қуйидаги таркиб ва схемада ўйнаши мумкин, дея ҳисобламоқда:
Lenta.ru нашрининг тахминича, Довбик “Атлетик”га қарши баҳсда асосий таркибда майдонга тушади.
Goal.com нашри берган эҳтимолий таркибда Шомуродовнинг бугун ўйинни захирадан бошлаши кўрсатилмоқда.
Soccer365 нашри ҳам “Атлетик” - “Рома” учрашувида Артём Довбик асосий таркибда, Шомуродов эса захирадан ўйинни бошлашини тахмин қилмоқда.
Маълумот учун, “Атлетик” - “Рома” учрашуви 13 март, сешанба куни Бильбаодаги “Сан Мамес” стадионида бўлиб ўтади. Беллашув Тошкент вақти билан 22:45ъда бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
