Жаҳон чемпионати саралашининг 3-босқичи 7-туридан ўрин олган учрашувда Ўзбекистон Тошкентда Қирғизистонни кичик ҳисобда мағлуб этди. Ўйиндан кейин ташкил этилган матбуот анжуманининг иккинчи қисмида мураббийимиз Тимур Кападзе иштирок этди.
— Халқимизни ғалаба ва Наврўз байрами билан табриклайман. Кўпроқ гол уриб, чиройли ғалаба қозонишимиз мумкин эди. Қирғизистон яхши ҳимояланди. Муҳими ғалабага эришдик. Энди кейинги баҳсга тайёргарликни бошладик.
Ўйинга яхши тайёргарлик кўрдик. Қирғизистон ўн киши бўлиб қолганидан кейин ўз ўйинини ўзгартирди. Рақибга ҳеч қандай имконият қолдирмасдан ғалаба қозонишимиз керак эди. Тенг ўйинда балки осонроқ ғалаба қозонишимиз мумкин эди. Боиси, рақиб очилишга ҳаракат қиларди.
— Машарипов сариқ карточкаси борлигини биларди. Бугун огоҳлантириш олишдан эҳтиёт бўлиш керакмиди?
— Ҳа, бу ҳам биз учун навбатдаги бошоғриқ бўлади. Йиғиндан олдин Алиқуловни йўқотдик. Машғулотда Остон оёғида оғриқ ҳис қилди. Футболда шунақаси бўлиб туради. Ҳамма нарсага тайёр туришимиз керак. Ўйиндан олдин сариқ карточкаси борларга тушунтиргандик. Бошқа томондан бу футбол. Ўйинчини ҳам тушуниш керак. Жалолиддиннинг ўрнини тўлдиришга ҳаракат қиламиз. Йиғинга келган ҳар бир ўйинчига ишонч билдирамиз.
— БАА Теҳронда Эронга ютқазди ва орадаги очколар сони 6 тага етди. Бу ҳолат йигитларда кейинги ўйин олдидан ўзига бўлган ишончни оширадими?
— Энг асосийси ўзимиз ғалаба қозондик ва ЖЧга жуда яқинлашдик. Лекин ҳали олдинда ўйинлар бор. Теҳронда ўйин осон бўлмайди, аммо керакли натижани қўлга киритишга интиламиз.
— Шомуродов пенальтини фойдалана олмади. Сўнгги пайтларда ўзбек футболчилари вазиятдан фойдалана олмаяпти. Нега бундай бўляпти? Муаммо нимада?
— Бу муаммо эмас, руҳий ҳолат билан боғлиқ бўлса керак. Элдор яхши тепди, аммо дарвозабон яхши қайтарди. Албатта, йирик ҳисобда ғалаба қозонсак яхши бўларди. Аммо биз шошмасдан ўйнадик. Рақиб бизнинг дарвоза олдида деярли вазиятни юзага келтира олмади.
— Четлатишдан кейин бир марказий ҳимоячини олиб, ўрнига ҳужумкор футболчини туширсангиз бўлмасдими?
— Албатта, ҳимояда ҳам ишончли ҳаракат қилишимиз керак эди. Қанот ҳимоячиларимиз олдинга ўитб ҳаракат қилгани учун ҳужумда футболчилар етарли эди. Агар марказий ҳимояда икки футболчи ўйнаса, майдон марказидаги футболчиларимиздан бири, масалан, Отабек Шукуров ортга қайтиб ўйнаши керак бўларди. Мен 3 марказий ҳимоячи билан ўйнашда давом этишни маъқул деб топдим.
— Ҳозирча Катанец қўйиб кетган нисбатан соддароқ ўйин услубида ўйнашда давом этяпсиз. Эронга қарши ўйинда ўзингиз тайёрлаб қўйган "сюрприз"ларни кўрамизми?
— Бу содда услуб эмас, яхши услуб. Бу услубда ҳам ҳужумкор ўйин намойиш этиш мумкин. Эронга қарши ўйингача тайёргарлик кўрамиз. Ҳаммасини ўйлаб кўрамиз. Вақт етганича камчиликлар устида ишлашга ҳаракат қиламиз. "Озодий"да ўйнаш осон бўлмайди. Натижани қўлга киритиш учун барча чораларни ишга соламиз.
— Пенальти тепиш бўйича қанчалик ишланяпти?
— Машғулотдан кейин футболчилар қолиб машқ қилишяпти. Бу нарсани кўпроқ муҳокама қиладиган бўлсак, бу футболчиларга босим юклайди.
Бугунги ўйин биз учун фойдали бўлди. Қирғизистонга қарши ўйинни таҳлил қилиб, футболчиларга тушунтирамиз. Эроннинг ўйинини футболчиларга кўрсатиб, таҳлил қилиб берамиз.
Энг асосийси бугун ғалаба қозондик ва мақсадимиз сари яқинлашдик. Барчамиз дуода бўлсак, насиб қилса, Мундиалга борамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
