Эрон матбуоти: Ўзбекистон терма жамоаси легионерлари эронлик легионерлардан илгарилаб кетишди
2026 йилги Жаҳон чемпионатига саралашнинг учинчи босқичи 8-турида Эрон ва Ўзбекистон терма жамоалари ўртасидаги учрашув билан давом этади. Ҳозирча Эрон 19 очко билан пешқадам, Ўзбекистон эса 16 очко билан иккинчи ўринни эгаллаб турибди.
Сўнгги йилларда Ўзбекистон миллий жамоаси анча ривожланди ва жорий йиғинга таклиф этилган 26 футболчидан 10 нафари легионер ҳисобланади. Уларнинг ҳар бири ўз жамоасида муҳим ўрин тутади.
Эрон Премьер-лигаси етакчи
Ҳозирги кунда Тимур Кападзе бошқарувидаги Ўзбекистон терма жамоасига 7 та мамлакатда фаолият олиб бораётган 10 нафар легионер чақирилган. Улар Эрон (3), Россия (2), Саудия Арабистони, БАА, Италия, Англия ва Озарбайжонда фаолият юритади.
Эрон чемпионатида тўп тепаётган Ўткир Юсупов, Жалолиддин Машарипов ва Остун Ўрунов миллий жамоага чақирилган. Шу боис, легионерлар орасида Эрон лигаси энг кўп вакилга эга. Лекин, Машарипов дисквалификация сабабли Эронга қарши баҳсда ўйнай олмайди. Ўруновнинг Эронга қарши ўйинда иштирок этиши сўроқ остида.
Европанинг топ-5 лигаларидаги ютуқлар
Ўзбекистон футболи жорий мавсумда икки катта ютуққа эришди. 21 ёшли ҳимоячи Абдуқодир Ҳусанoв қишки трансфер ойнасида "Ланс"дан "Манчестер Сити"га ўтди ва Пеп Гвардиола ишончи билан асосий таркиб футболчисига айланди.
Ҳужум чизиғида эса Элдор Шомуродов бор. "Оқ бўрилар" сардори яна юқори савияда ўйнамоқда ва "Рома" сафида зўр натижалар кўрсатмоқда. 29 ёшли футболчи Эронга қарши ўйинда Ўзбекистоннинг асосий ҳужумчиси бўлиши кутилмоқда.
Ўзбекистон Европанинг кучли бешлик чемпионатида икки вакилга эга, Эрон эса ҳозирда фақатгина биргина — "Интер"да ўйнаётган Меҳди Таремийга эга. Аммо Таремийнинг "Интер"даги аҳволи ҳозир унчалик яхши эмас.
Ўзбекистон таркибида легионерларнинг муҳим ўрни
Ўзбекистоннинг Қирғизистонга қарши охирги учрашувида асосий таркибда 7 нафар легионер майдонга тушди. Улар қуйидагилар:
- Ўткир Юсупов ("Фулад")
- Абдуқодир Ҳусанoв ("Манчестер Сити")
- Рустам Ашурматов ("Рубин Қозон")
- Отабек Шукуров ("Ал-Файҳа")
- Аббосбек Файзуллаев ("ЦСКА")
- Жалолиддин Машарипов ("Истиқлол")
- Элдор Шомуродов ("Рома").
Шу билан бирга, Эрон терма жамоаси БААга қарши ўйинда фақат 5 нафар легионерни майдонга туширди.
Манба: www.football360.ir
Киритилди: 17:09, 23.03.2025. Ўқилди: 12256 марта. Фикрлар: 17 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
