Эрон терма жамоаси сардори Алиризо Жаҳонбахш жароҳатидан фориғ бўлди ва у эртага Ўзбекистонга қарши ўйинда майдонга тушиши мумкин. Нидерландиянинг "Херенвен" футболчиси мазкур ўйин арафасида Эрон ОАВ вакилларига ўз фикрлари билан ўртоқлашди.
— Жароҳатдан сўнг майдонга қайтаётганингиз катта воқеа бўлди.
— Ҳа, жароҳат сабаб Қирғизистонга қарши ўйинни ўтказиб юбордим ва Қатар ҳамда Шимолий Кореяга қарши ўйинларда асосий таркибда тушмадим. Лекин ҳозир ҳолатим жуда яхши, ҳам "Ҳеренвен" бош мураббийи Ҳенк Брюгге, ҳам миллий жамоа устози Амир Ғалиноий мен 90 дақиқа ўйнай олишимга ишонмоқда.
— БААни “Озодий”да мағлуб этишингизга ишонганмидингиз?
— Биз кучли жамоамиз ва ҳозиргача Жаҳон чемпионати-2026 учун йўлланмани қўлга киритишимиз мумкинлигини исботладик. БААга қарши ўйинда бир таймда ўртача, иккинчи таймда эса анча яхши ўйнадик. Ҳатто рақиб дарвозасига кўпроқ гол уриш имкониятига эга эдик.
— Эндиликда Жаҳон чемпионати ойдинлашмоқда!
— Ғалабага эришдик, лекин ҳали хотиржамликка берилишга эрта. Тўлиқ мақсадга етиш учун, охирги икки ўйинни формал ўйинга айлантиришимиз учун Теҳронда Ўзбекистонни мағлуб этишимиз керак. Умид қиламанки, бу чоршанба кечаси содир бўлади ва миллий жамоамиз мухлислари билан катта байрам қиламиз.
— Миллий жамоани маҳаллий мураббий билан Жаҳон чемпионатига олиб чиқиш қандай ҳиссиёт беради?
— Бу шундан далолатки, маҳаллий мураббийлар ҳам хорижликлардан кам эмас ва Эрон футболи ривожи учун фаол ҳисса қўша олади. Агар биз ёш мураббийларга ишонч билдирсак ва футбол билимларини кенгайтириш ҳақида ўйласак, келажакда қимматбаҳо хорижлик мураббийларга эҳтиёж қолмайди.
— Жаҳон чемпионатига йўлланма олган тақдирда, гуруҳ босқичидан чиқишга ваъда бера оласизми?
— Бу бутун миллатнинг орзуси. Уни амалга ошириш учун самарали йиғинлар ўтказишимиз ва дунёдаги энг кучли жамоаларга қарши ўртоқлик учрашувлари ташкил этишимиз керак. Меҳнатсиз муваффақиятга эришиб бўлмайди.
— "Ҳеренвен"га мослашиб кетдингизми?
— Ҳа, худога шукр. Ҳозиргача "Зволле" ва "Твенте"га қарши муҳим голлар урдим ва бир нечта голли узатмалар бердим. Мураббийлар ҳам менинг ўйинимдан мамнун, "Абе Ленстра" стадионида майдонга тушишда ҳеч қандай муаммо йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
