Эрон миллий терма жамоаси бош мураббийи Амир Ғалиноий ЖЧ-2026 саралаш босқичидан ўрин олган Ўзбекистонга қарши олдидан ўз фикрлари билан ўртоқлашди.
Ўзбекистон терма жамоасини қутлайман
"Ўзбекистоннинг кучли жамоа эканини биламиз. Уларга хуш келибсиз дейман. Илгариги учрашувда шундай вазият юзага келдики, бу жамоа тиббий ходимлари менга жуда илиқ муносабатда бўлишди, уларга миннатдорчилик билдираман. Ўзбекистон охирги 10 йилда ёшлар жамоаларига катта сармоя киритди ва яхши натижаларга эришди".
Ўзбекистон терма жамоаси ҳақида
Ғалиноий Ўзбекистон терма жамоасининг таркибига тўхталар экан, шундай деди:
"Уларда жуда қимматли футболчилар бор, уч нафари Эрон чемпионатида тўп суради. Биз оғир ўйин кутаётганимизни биламиз. Ўзбекистон 3-4-3 тактикасида ўйнайди ва натижага эришишни кўзлайди. Биз ҳам шу тактика устида ишладик ва эртанги ўйинда ғалаба қозонишга умид қиламиз.
Жаҳон чемпионатига чиқиш имкониятлари ҳақида
"Эртанги ўйиндан кейин яна икки муҳим финал бор. Миллий жамоада ҳар бир ўйин финалга тенг, чунки у тарихга муҳрланади. Шимолий Кореяга қарши ўйинда ҳам биринчи баҳсдагидай кучли мотивацияга эга бўламиз.
БААни мағлуб этганимиздан кейин мен барча футболчиларимга Ўзбекистон ҳақида ўйлашимиз кераклигини айтдим. Улар ҳам яхши мотивацияга эга ва яхши натижага эришишни хоҳлашади. Лекин натижа Аллоҳнинг ихтиёрида".
Жамоада ёшартириш жараёни ва Таремининг иштироки ҳақида
Эрон миллий терма жамоаси мураббийи ёшартириш сиёсати ҳақида шундай деди:
"Миллий ўйин ҳар доим нуфузли. Биз зарур бўлган ҳолда, маслаҳат асосида ёш футболчиларга имконият беряпмиз".
Жаҳон чемпионати саралаш босқичидаги қийинчиликлар ҳақида
Ғалиноийнинг сўзларига кўра, жамоа саралаш босқичида жиддий муаммоларга дуч келган:
"Бу натижалар икки йиллик меҳнат самарасидир. Федерациянинг собиқ раҳбарлари, футболчилар ва мураббийлар штабига миннатдорчилик билдирамиз. Биз кўп муаммоларни, жумладан, ўз майдонимизда ўйнамайдиган вазиятни енгиб ўтдик. Бу натижалар футболчиларнинг жамоавий руҳини ва уларнинг ўз Ватанлари учун шараф билан курашишларини кўрсатиб турибди".
Сафардаги муаммолар ва Эрон футболи авлодлари ҳақида
"Бешта ўйинни кетма-кет сафарда ўтказган жамоа бор деб ўйламайман. Шу футболчилар сафарда ва Эронда БАА миллий жамоасини мағлуб эта олишди. Бу жамоа катта салоҳиятга эга ва умид қиламанки, янада яхши натижаларга эришамиз".
Жаҳон чемпионатига йўлланма олган тақдирда, кимнинг ўрни сезилади?
Амир Ғалиноий бу саволга жавоб берар экан, жуда эҳтиросли жавоб қайтарди:
"Онам, опам ва рафиқамнинг онаси тирик бўлишса ва бу қувончли дамларни кўришларини истардим. Ҳар кимнинг ота-онаси ҳали ҳаёт бўлса, уларнинг қадрига етишларини маслаҳат бераман. Улар жуда улуғ инсонлар".
Меҳди Таремийнинг Ўзбекистонга қарши ўйнаши эҳтимоли ҳақида эса қуйидагиларни таъкидлади:
"Футболчининг соғлиғи биз учун энг муҳим нарса. Таремий жароҳат олган, тиббий гуруҳ унинг ҳолатини кузатяпти. Бугун кечқурун аниқ бўлади: у ўйнай оладими-йўқми. БААга қарши ўйинда унга имконият беришимиз мумкин эди, лекин мен ва мураббийлар штаби уни майдонга туширмасликка қарор қилдик".
Маълумот ўрнида. Эрон - Ўзбекистон учрашуви 25 март куни, соат 21:00да "Озодий" стадионида бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
