Eron milliy terma jamoasi bosh murabbiyi Amir G‘alinoiy JCH-2026 saralash bosqichidan o‘rin olgan O‘zbekistonga qarshi oldidan o‘z fikrlari bilan o‘rtoqlashdi.
O‘zbekiston terma jamoasini qutlayman
"O‘zbekistonning kuchli jamoa ekanini bilamiz. Ularga xush kelibsiz deyman. Ilgarigi uchrashuvda shunday vaziyat yuzaga keldiki, bu jamoa tibbiy xodimlari menga juda iliq munosabatda bo‘lishdi, ularga minnatdorchilik bildiraman. O‘zbekiston oxirgi 10 yilda yoshlar jamoalariga katta sarmoya kiritdi va yaxshi natijalarga erishdi".
O‘zbekiston terma jamoasi haqida
G‘alinoiy O‘zbekiston terma jamoasining tarkibiga to‘xtalar ekan, shunday dedi:
"Ularda juda qimmatli futbolchilar bor, uch nafari Eron chempionatida to‘p suradi. Biz og‘ir o‘yin kutayotganimizni bilamiz. O‘zbekiston 3-4-3 taktikasida o‘ynaydi va natijaga erishishni ko‘zlaydi. Biz ham shu taktika ustida ishladik va ertangi o‘yinda g‘alaba qozonishga umid qilamiz.
Jahon chempionatiga chiqish imkoniyatlari haqida
"Ertangi o‘yindan keyin yana ikki muhim final bor. Milliy jamoada har bir o‘yin finalga teng, chunki u tarixga muhrlanadi. Shimoliy Koreyaga qarshi o‘yinda ham birinchi bahsdagiday kuchli motivasiyaga ega bo‘lamiz.
BAAni mag‘lub etganimizdan keyin men barcha futbolchilarimga O‘zbekiston haqida o‘ylashimiz kerakligini aytdim. Ular ham yaxshi motivasiyaga ega va yaxshi natijaga erishishni xohlashadi. Lekin natija Allohning ixtiyorida".
Jamoada yoshartirish jarayoni va Taremining ishtiroki haqida
Eron milliy terma jamoasi murabbiyi yoshartirish siyosati haqida shunday dedi:
"Milliy o‘yin har doim nufuzli. Biz zarur bo‘lgan holda, maslahat asosida yosh futbolchilarga imkoniyat beryapmiz".
Jahon chempionati saralash bosqichidagi qiyinchiliklar haqida
G‘alinoiyning so‘zlariga ko‘ra, jamoa saralash bosqichida jiddiy muammolarga duch kelgan:
"Bu natijalar ikki yillik mehnat samarasidir. Federasiyaning sobiq rahbarlari, futbolchilar va murabbiylar shtabiga minnatdorchilik bildiramiz. Biz ko‘p muammolarni, jumladan, o‘z maydonimizda o‘ynamaydigan vaziyatni yengib o‘tdik. Bu natijalar futbolchilarning jamoaviy ruhini va ularning o‘z Vatanlari uchun sharaf bilan kurashishlarini ko‘rsatib turibdi".
Safardagi muammolar va Eron futboli avlodlari haqida
"Beshta o‘yinni ketma-ket safarda o‘tkazgan jamoa bor deb o‘ylamayman. Shu futbolchilar safarda va Eronda BAA milliy jamoasini mag‘lub eta olishdi. Bu jamoa katta salohiyatga ega va umid qilamanki, yanada yaxshi natijalarga erishamiz".
Jahon chempionatiga yo‘llanma olgan taqdirda, kimning o‘rni seziladi?
Amir G‘alinoiy bu savolga javob berar ekan, juda ehtirosli javob qaytardi:
"Onam, opam va rafiqamning onasi tirik bo‘lishsa va bu quvonchli damlarni ko‘rishlarini istardim. Har kimning ota-onasi hali hayot bo‘lsa, ularning qadriga yetishlarini maslahat beraman. Ular juda ulug‘ insonlar".
Mehdi Taremiyning O‘zbekistonga qarshi o‘ynashi ehtimoli haqida esa quyidagilarni ta’kidladi:
"Futbolchining sog‘lig‘i biz uchun eng muhim narsa. Taremiy jarohat olgan, tibbiy guruh uning holatini kuzatyapti. Bugun kechqurun aniq bo‘ladi: u o‘ynay oladimi-yo‘qmi. BAAga qarshi o‘yinda unga imkoniyat berishimiz mumkin edi, lekin men va murabbiylar shtabi uni maydonga tushirmaslikka qaror qildik".
Ma’lumot o‘rnida. Eron - O‘zbekiston uchrashuvi 25 mart kuni, soat 21:00 da "Ozodiy" stadionida bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
