"Динамо" бош мураббийи Вадим Абрамов Суперлиганинг 5-тури доирасида бўлиб ўтган "Сўғдиёна"га қарши ўйин борасида ўз фикрини билдириб ўтди.
— Вадим Карленович, бугунги ўйин ҳақида қандай фикрдасиз?
— Ўйин иккита мутлақо турлича бўлимга бўлинди. Биринчи таймда жамоа тўғри ҳаракат қилди, устунлик бизда эди, гол ҳам урдик, бошқа вазиятлар ҳам бўлди. Аммо иккинчи таймда қилган алмашинувларимиз жамоани кучайтирмади. Аксинча, ўйин бетартиб бўла бошлади, сумбур кўпайди. Бундай ҳолда ютқазишимиз ҳам мумкин эди.
— Бу алмашинувлар нега натижа бермади, деб ўйлайсиз?
— Аниқ сабабини айтиш қийин, аммо иккинчи таймда биз ҳақиқий «Динамо» бўлолмадик. Ҳужумда ҳам қийинчиликка дуч келдик. Айрим футболчилар нотўғри қарорлар қабул қилди — масалан, қисқа паслар ўрнига узун паслар билан ҳаракат қилдик. Бу бизга хос эмас.
— Жиззах жамоаси қарши ҳужумда хавфли ҳаракат қилди, шундайми?
— Ҳа, уларга ўйнаш осонлашди ва улар қарши ҳужумлар орқали бизга таҳдид солишди. Бир неча вазиятларда улар гол уриши ҳам мумкин эди.
— Ўрмонжонов асосий таркибда ўйнади. Уни қандай баҳолайсиз?
— У яхши ўйнади. У майдонни тарк этгач, ўйин маркази ёмонлашди. Ундан мамнунман. Захирадан тушган Хислат биз кутган натижани бера олмади.
— Фрайдейга боғлиқ режалар иш бердими?
— Аслида, 1:0 ҳисобида у қарши ҳужум учун тушиши керак эди. Лекин 1:1 бўлгач тушди ва тўлиқ мослаша олмади. У яқиндагина умумий гуруҳ билан машғулотни бошлаган эди, шу боис унга вақт керак.
— Станович ҳақидачи?
— У биринчи таймда яхши ҳаракат қилди, аммо иккинчи таймда қуввати тугаб қолди. Бир вазиятда рикошет орқали дарвозамизга гол ўтиб кетиши мумкин эди, омад билан омон қолдик.
— Алмашинувлар нима учун кутилганидек самара бермади?
— Ҳар доим ҳам тўғри тахмин қила олмайсиз. Бу сафар алмашинувларимиз ўйинни кучайтирмади.
— Айрим мухлислар жамоанинг бу мавсумдаги ўйинини прагматик, деб баҳолашмоқда. Сиз қандай фикрдaсиз?
— Бу прагматик эмас. Ҳар бир жамоа рақибга қараб ўйнайди. Бизни ҳам ўрганишмоқда. Биринчи таймда ёрқин ўйнадик, мухлислар хурсанд бўлди. Лекин иккинчи бўлимда ҳаммаси ўзгариб кетди.
— Яқинлашиб келаётган Кубок ўйинлари ва сафарлар ҳақида фикрингиз қандай?
— Тез орада Кубок ўйини, сўнгра 20-апрель куни сафардаги ўйин, 25-апрелда яна уйдаги беллашув. Сафарлар, тикланиш, машғулот — ҳаммаси жуда зич. Андижонга сафар ҳам осон эмас. Ҳаммасини ҳисобга оляпмиз.
— Охирги савол: жамоа яна Тошкентда машғулот олиб борадими?
— Йўқ, бу гал Самарқанддаги Қорасувдаги Академияда машғулот олиб борамиз. У ердаги майдон бу вақт учун жуда яхши. Ҳозирча шу ерда тайёргарлик кўрамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Германия
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
