"Dinamo" bosh murabbiyi Vadim Abramov Superliganing 5-turi doirasida bo‘lib o‘tgan "So‘g‘diyona"ga qarshi o‘yin borasida o‘z fikrini bildirib o‘tdi.
— Vadim Karlenovich, bugungi o‘yin haqida qanday fikrdasiz?
— O‘yin ikkita mutlaqo turlicha bo‘limga bo‘lindi. Birinchi taymda jamoa to‘g‘ri harakat qildi, ustunlik bizda edi, gol ham urdik, boshqa vaziyatlar ham bo‘ldi. Ammo ikkinchi taymda qilgan almashinuvlarimiz jamoani kuchaytirmadi. Aksincha, o‘yin betartib bo‘la boshladi, sumbur ko‘paydi. Bunday holda yutqazishimiz ham mumkin edi.
— Bu almashinuvlar nega natija bermadi, deb o‘ylaysiz?
— Aniq sababini aytish qiyin, ammo ikkinchi taymda biz haqiqiy «Dinamo» bo‘lolmadik. Hujumda ham qiyinchilikka duch keldik. Ayrim futbolchilar noto‘g‘ri qarorlar qabul qildi — masalan, qisqa paslar o‘rniga uzun paslar bilan harakat qildik. Bu bizga xos emas.
— Jizzax jamoasi qarshi hujumda xavfli harakat qildi, shundaymi?
— Ha, ularga o‘ynash osonlashdi va ular qarshi hujumlar orqali bizga tahdid solishdi. Bir necha vaziyatlarda ular gol urishi ham mumkin edi.
— O‘rmonjonov asosiy tarkibda o‘ynadi. Uni qanday baholaysiz?
— U yaxshi o‘ynadi. U maydonni tark etgach, o‘yin markazi yomonlashdi. Undan mamnunman. Zaxiradan tushgan Xislat biz kutgan natijani bera olmadi.
— Fraydeyga bog‘liq rejalar ish berdimi?
— Aslida, 1:0 hisobida u qarshi hujum uchun tushishi kerak edi. Lekin 1:1 bo‘lgach tushdi va to‘liq moslasha olmadi. U yaqindagina umumiy guruh bilan mashg‘ulotni boshlagan edi, shu bois unga vaqt kerak.
— Stanovich haqidachi?
— U birinchi taymda yaxshi harakat qildi, ammo ikkinchi taymda quvvati tugab qoldi. Bir vaziyatda rikoshet orqali darvozamizga gol o‘tib ketishi mumkin edi, omad bilan omon qoldik.
— Almashinuvlar nima uchun kutilganidek samara bermadi?
— Har doim ham to‘g‘ri taxmin qila olmaysiz. Bu safar almashinuvlarimiz o‘yinni kuchaytirmadi.
— Ayrim muxlislar jamoaning bu mavsumdagi o‘yinini pragmatik, deb baholashmoqda. Siz qanday fikrdasiz?
— Bu pragmatik emas. Har bir jamoa raqibga qarab o‘ynaydi. Bizni ham o‘rganishmoqda. Birinchi taymda yorqin o‘ynadik, muxlislar xursand bo‘ldi. Lekin ikkinchi bo‘limda hammasi o‘zgarib ketdi.
— Yaqinlashib kelayotgan Kubok o‘yinlari va safarlar haqida fikringiz qanday?
— Tez orada Kubok o‘yini, so‘ngra 20-aprel kuni safardagi o‘yin, 25-aprelda yana uydagi bellashuv. Safarlar, tiklanish, mashg‘ulot — hammasi juda zich. Andijonga safar ham oson emas. Hammasini hisobga olyapmiz.
— Oxirgi savol: jamoa yana Toshkentda mashg‘ulot olib boradimi?
— Yo‘q, bu gal Samarqanddagi Qorasuvdagi Akademiyada mashg‘ulot olib boramiz. U yerdagi maydon bu vaqt uchun juda yaxshi. Hozircha shu yerda tayyorgarlik ko‘ramiz.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
