Ўзбекистоннинг биринчи рақамли шахматчиси, дунё рейтингида 6-ўринни эгаллаб турган Нодирбек Абдусатторов “World Chess” нашрига интервью берди.
Абдусатторов ўзи ҳақидаги қизиқарли 10 та саволга жавоб берди.
— Ўзингизни шахматчи сифатида қандай таърифлайсиз?
— Мен ўзимни агрессив ўйин услубига эга ўйинчи деб биламан. Ҳар бир партияда охиригача курашиш ва босим остида ҳам тўғри қарор қабул қилиш — менинг асосий кучли томонларим.
— Севимли дебютингиз қайси?
— Менинг энг севимли дебютим Ruy Lopez (Испанча партия деб ҳам аталади).
— Нима учун айнан шу дебютни ёқтирасиз?
— У жуда кўп қиррали, тарихий меросга эга ва замонавий шахмат стратегиясида ҳам муҳим ўрин тутади. Кўплаб буюк чемпионлар шу дебютга таянишган.
— Ўз ўйинларингизни яна қайси томондан кучайтиришни хоҳлайсиз?
— Ўйиннинг якуний қисми — эндшпилни ривожлантириш. Магнус Карлсен каби чуқур техникага эга бўлишни истайман.
— Сизни илҳомлантирган шахматчи ким?
— Мени энг кўп илҳомлантирган шахматчи — Гарри Каспаров. Унга ҳавас қиламан ва унинг ўйин услубидан ўрнак олишга ҳаракат қиламан.
— Энг кучли рақибингиз ким бўлган?
— Албатта, Магнус Карлсен. У барча даврларнинг энг кучли шахматчиларидан бири, ҳали ҳам юқори савияда ўйнамоқда.
— Онлайн ёки офлайн шахмат, сиз қайси бирини афзал кўрасиз?
— Мен офлайн шахматни афзал кўраман, чунки онлайн шароитда рақибнинг юз ифодалари, ҳиссиётлари кўринмайди. Жонли баҳсда эса рақибнинг реакцияларидан ҳам фойдаланиш мумкин.
— Ҳозиргача эришган энг катта ютуғингиз қайси?
— 2021 йилда жаҳон рапид чемпионлигига эришишим ва илк бор олтин медал олишим — ҳозиргача менинг энг катта ютуғим.
— Келажакдаги энг катта мақсадингиз нима?
— Болаликдан бери дунёда биринчи рақамли шахматчи бўлишни орзу қиламан. Бу ҳар қандай топ ўйинчининг энг олий мақсади.
— Бу мақсадга эришиш қийин бўлмайдими?
— Албатта, осон эмас. Олдинда жуда катта меҳнат ва синовлар кутиб турибди. Лекин мен бунга тайёрман ва олдинга интилишдан тўхтамайман.
Маълумот учун, Нодирбек Абдусатторов ҳозир Франциянинг Париж шаҳрида давом этаётган Freestyle Chess Grand Slam Paris турнирида қатнашмоқда. Саралаш босқичида 5-ўринни эгаллаган спортчи чорак финалда дунёнинг 1-рақамли шахматчиси Магнус Карлсенга 0,5:1,5 ҳисобида имкониятни бой берди.
5-ўрин учун кечган баҳсда Максим Ваше-Лагравга қарши дона сурди. Биринчи баҳсда ғалаба қозонган Нодирбек, иккинчи баҳсда франциялик рақибига имкониятни бой берди. Шундан кейин иштирокчилар тайбрекка мурожаат қилишди. Тайбрекнинг 1-ўйини дуранг билан якунланган бўлсада, 2-ўйинда Максимнинг қўли баланд келди. Энди Нодирбек мусобақани еттинчи ўрин учун курашда давом эттиради. Рақиб эса — Ян Непомняшчий.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
