O‘zbekistonning birinchi raqamli shaxmatchisi, dunyo reytingida 6-o‘rinni egallab turgan Nodirbek Abdusattorov “World Chess” nashriga intervyu berdi.
Abdusattorov o‘zi haqidagi qiziqarli 10 ta savolga javob berdi.
— O‘zingizni shaxmatchi sifatida qanday ta’riflaysiz?
— Men o‘zimni agressiv o‘yin uslubiga ega o‘yinchi deb bilaman. Har bir partiyada oxirigacha kurashish va bosim ostida ham to‘g‘ri qaror qabul qilish — mening asosiy kuchli tomonlarim.
— Sevimli debyutingiz qaysi?
— Mening eng sevimli debyutim Ruy Lopez (Ispancha partiya deb ham ataladi).
— Nima uchun aynan shu debyutni yoqtirasiz?
— U juda ko‘p qirrali, tarixiy merosga ega va zamonaviy shaxmat strategiyasida ham muhim o‘rin tutadi. Ko‘plab buyuk chempionlar shu debyutga tayanishgan.
— O‘z o‘yinlaringizni yana qaysi tomondan kuchaytirishni xohlaysiz?
— O‘yinning yakuniy qismi — endshpilni rivojlantirish. Magnus Karlsen kabi chuqur texnikaga ega bo‘lishni istayman.
— Sizni ilhomlantirgan shaxmatchi kim?
— Meni eng ko‘p ilhomlantirgan shaxmatchi — Garri Kasparov. Unga havas qilaman va uning o‘yin uslubidan o‘rnak olishga harakat qilaman.
— Eng kuchli raqibingiz kim bo‘lgan?
— Albatta, Magnus Karlsen. U barcha davrlarning eng kuchli shaxmatchilaridan biri, hali ham yuqori saviyada o‘ynamoqda.
— Onlayn yoki oflayn shaxmat, siz qaysi birini afzal ko‘rasiz?
— Men oflayn shaxmatni afzal ko‘raman, chunki onlayn sharoitda raqibning yuz ifodalari, hissiyotlari ko‘rinmaydi. Jonli bahsda esa raqibning reaksiyalaridan ham foydalanish mumkin.
— Hozirgacha erishgan eng katta yutug‘ingiz qaysi?
— 2021 yilda jahon rapid chempionligiga erishishim va ilk bor oltin medal olishim — hozirgacha mening eng katta yutug‘im.
— Kelajakdagi eng katta maqsadingiz nima?
— Bolalikdan beri dunyoda birinchi raqamli shaxmatchi bo‘lishni orzu qilaman. Bu har qanday top o‘yinchining eng oliy maqsadi.
— Bu maqsadga erishish qiyin bo‘lmaydimi?
— Albatta, oson emas. Oldinda juda katta mehnat va sinovlar kutib turibdi. Lekin men bunga tayyorman va oldinga intilishdan to‘xtamayman.
Ma’lumot uchun, Nodirbek Abdusattorov hozir Fransiyaning Parij shahrida davom etayotgan Freestyle Chess Grand Slam Paris turnirida qatnashmoqda. Saralash bosqichida 5-o‘rinni egallagan sportchi chorak finalda dunyoning 1-raqamli shaxmatchisi Magnus Karlsenga 0,5:1,5 hisobida imkoniyatni boy berdi.
5-o‘rin uchun kechgan bahsda Maksim Vashe-Lagravga qarshi dona surdi. Birinchi bahsda g‘alaba qozongan Nodirbek, ikkinchi bahsda fransiyalik raqibiga imkoniyatni boy berdi. Shundan keyin ishtirokchilar taybrekka murojaat qilishdi. Taybrekning 1-o‘yini durang bilan yakunlangan bo‘lsada, 2-o‘yinda Maksimning qo‘li baland keldi. Endi Nodirbek musobaqani yettinchi o‘rin uchun kurashda davom ettiradi. Raqib esa — Yan Nepomnyashchiy.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
