«Манчестер Сити» бош мураббийи Хосеп Гвардиола жамоасининг яқиндаги ўйинлари тақвими ҳақида фикр билдирди. 17 май, шанба куни «шаҳарликлар» Англия кубоги финалида «Кристал Пэлас»га қарши майдонга тушади. Шундан уч кун ўтиб, 20 май, сешанба куни АПЛнинг 37-тури доирасида «Сити» ўз уйида «Борнмут»ни қабул қилади.
«Сешанба кечқурун биз Премьер-лиганинг кучли жамоаларидан бири — Европа конференциялар лигасига йўлланма учун курашаётган «Борнмут»га қарши ўйнаймиз. Биз бу билан муросага келишимизга тўғри келади.
«Астон Вилла» — «Тоттенхэм» ўйини эса 16 май, жума кунига белгиланди. Аслида бизнинг ўйинимизни бир кун эртароқ белгилашлари керак эди. Биз сешанба ёки чоршанба куни ўйнасак ҳам, катта фарқ қилмайди. Қандай бўлмасин, қарорни улар қабул қилишади, ва сешанба куни биз шу ерда ўйнаймиз», — деб Гвардиоланинг сўзларини келтиради BBC.
Ҳозирги вақтда «Манчестер Сити» АПЛда 36 та ўйинда 65 очко тўплаган ҳолда турнир жадвалида 6-ўринни эгаллаб турибди. Жамоа Чемпионлар лигасига йўлланма учун курашни давом эттирмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).