Ўзбекистон Суперлигасининг 10-туридан ўрин олган “Бунёдкор” – “Навбаҳор” (2:3) учрашувидан кейинги матбуот анжуманининг биринчи қисмида жамоамиз бош мураббийи Сергей Лушан иштирок этиб, ОАВ ходимларининг саволларига жавоб берди.
"Лочинлар" устози одатдагидек ўз сўзини ўйин ҳақидаги фикрлари билан бошлади.
- Яхши учрашув бўлди. Баҳс мухлисларга ёқди, деган умиддаман. Йигитлардан сўраган барча кўрсатмаларимиз бажарилди. Натижа эса таблода кўриниб турибди. Рақиб ҳам етарлича қаршилик кўрсатди. Яна 2-3 та вазиятларимиздан фойдаланганимизда, ўйин масаласини анча эрта ҳал этган бўлардик. Яхши жамоага қарши яхши майдонда ўйнаш ёқимли. Омад бугун биз томонда бўлди. Мен VARни тушунмайман, тўғриси. Битта учрашувда бошқача талқин қилинади, иккинчисида эса умуман бошқача. Қоидаларда адашиб кетганман. Ҳакамлар комиссияси вазиятларни таҳлил қилиб чиқса керак. Икки жамоа ҳам тенг шароитларда эди.
- “Навбаҳор” сўнгги бир ҳафта ичида учта ўйинда иштирок этди. Зич тақвим футболчиларнинг жисмоний ҳолатларига қанчалик таъсир қилмоқда?
- Ҳар бир жамоага ҳар уч-тўрт кунда ўйнаш қийинчилик туғдиради. Биз Ўзбекистон кубоги доирасидаги баҳсда кам ўйин имкониятга эга бўлаётган футболчиларни майдонга туширгандик, аммо сўнгги 20 дақиқада асосий таркиб ўйинчиларини майдонга туширишга мажбур бўлдик. Сабаби натижа керак эди. Иккита беллашувда ҳам натижага эришдик, демак, яхши ишлаган эканмиз. Энди эса бир ҳафталик танаффус бор ва “Қўқон-1912”га қарши кечадиган ўйин. Ўйлайманки, футболчилар кейинги баҳсга қадар тикланиб олишади. Кейин эса катта танаффус бор.
- “Бунёдкор”дан қандай қийинчиликлар туғдиришини кутгандингиз ва ўйин жамоангиз учун қанчалик қийин бўлди?
- “Бунёдкор” жиддий жамоа эканлиги сир эмас. Ҳужум чизиғи анча кучли. Рақибни кўп вақт давомида ўрганган эдик. Ўрганганларимизни йигитлар билан бўлишдик. Бугун футболчилар рақибнинг кучсиз жиҳатларидан фойдалана олишди. Ҳимоя чизиғидаги муаммолардан хабардор эдик. Ўйиндан кўнглим тўлди ва мен кутган нарсалар содир бўлди.
- “Навбаҳор” футболчилари танаффусдан сўнг, анча фаол бўлдилар. Танаффусда футболчиларга нималар дедингиз?
- Деярли ҳеч нарса. Учрашув давомида ўзгариш қилиш қийин. Ўйин тизимини машғулот жараёнида ўрганиб олиш керак. Биз майдон марказида вертикал футбол ўйнай бошладик. Танаффусда йигитларни тинчлантириб олиш керак эди.
- Футболчиларингиз иккинчи бўлимда кўпроқ тартибли ўйнашгандек туюлди. Масалан,Русланбек Жиянов биринчи бўлимда турли хил зоналарда пайдо бўлди, аммо танаффусдан сўнг ўз позициясида ҳаракатланди...
- Ўзингиз саволга жавоб бериб қўйдингиз. Сўнгги дақиқаларда икки ҳужумчимиз бир қанотга ўтиб олишди. Улар ҳали ёш. Уларни тинчлантириб олиш керак.
- Жамоангиз тўпга эгалик қилаётган пайтда, легионер футболчиларга тўп жуда кам етиб келаётгандек. Мисол учун, жамоангиз позицион ҳужум ташкил этаётган вақтда Тейди тўпни қабул қилиб олиш учун яхши позицияда эди, аммо футболчилар унга пас беришмади ва аксинча, тўпни ортга узатишди. Бунга сабаб, ўзаро коммуникациядаги муаммоларми? Легионерлар маҳаллий тилда мулоқот қила олмасликлари сабабли, машғулот жараёнларида жамоани тушунишга қийналишмаяптими?
- Машғулотларда бундай муаммо йўқ. Ўйин жараёнида эса ушбу муаммо бор, деб ўйлайман. Биз гол урганимиздан сўнг, вертикал ўйин услубига ўтиб оляпмиз. Лекин бу Тейдини кўришмаётганини англатмайди. Бизнинг ҳужум чизиғимиз жуда тезкор, холос. Икки тезкор футболчиларимиздан рақиб ҳимоячиларининг ортига очилишни талаб қиламиз. Ўтган мавсумда таркибимизда тажрибали футболчилар кўп эди. Жамоа чарчаб қолган ва тартибсизлик бошланаётган вазиятларда айнан тажрибали футболчиларимиз жамоани тинчлантириши керак эди. Ҳозирги кунда таркибимизда бундай футболчилар йўқ. Ҳозирча натижа яхши, агар натижа қайд этилмаса, янги нарса ўйлаб топишимиз керак бўлади.
Тўпга эгалик қилишдан фойда йўқ. Биринчи бўлимнинг ўзидаёқ 800 та пас амалга ошириш орқали кўпроқ очколар тўплай олмаймиз. Мен йигитлар учинчи зонадаги агрессив ўйинни талаб қиламан. Айрим вазиятлардан фойдалана олмаяпмиз. Биз натижага эртароқ эришишимиз мумкин эди.
- Жамоада пенальтиларни ижро этадиган асосий футболчи ким?
- Бизда Жиянов, Аҳмедов ва Ўринбоевлар машғулотлардан кейин қолиб, пенальтилар тепишади. Мен ҳеч кимни мажбурламайман. Пенальтиларни ижро этиш машғулот дастуримиздан ҳам жой олмаган. Ўйиндан бир кун аввал 11 метрлик зарбани ижро этиши мумкин бўлган 3-4 нафар футболчини эълон қиламиз. Ўйин жараёнида ким ўзига ишонса, ўша футболчи зарбани ижро этади.
- Ҳакам VARда вазиятни кўраётган пайтда сиз “Бунёдкор” бош мураббийи билан нималарнидир гаплашдингиз. Агар сир бўлмаса, нима ҳақда гаплашдингиз?
- Мен ва рақиб бош мураббийи ўйиндаги кўп тўхталишлардан норози эдик. Мен ўша вазиятни бошқача кўрдим, рақиб бош мураббийи эса бошқача. Икки оғиз сўз алмашдик, холос. Бизга гол урилган вазиятда менимча, Азим Аҳмедовга нисбатан қоида бузилган эди. Гол урган футболчига пас берилган вазиятда Азимга нисбатан қоида бузилган эди. Менимча, бу фол. Агар рақиб футболчиси Азимга нисбатан қўпол ўйнамаганида, гол тоза урилган бўлар эди. Фол бўлса гол бекор қилиниши керак. Ҳозирги қоидаларни тушунмайман. Масалан, олдин тўп қўлга тегса, пенальти белгиланар эди. Қўл кўтарилганми ёки бошқа ҳолатда фарқи йўқ. Саволларни ҳакамларга бериш керак, менга эмас. Мен ҳам сизлардек оддий инсонман. Қоидалар эса ҳар йили ўзгариб бормоқда" - деди Лушан.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
