O‘zbekiston Superligasining 10-turidan o‘rin olgan “Bunyodkor” – “Navbahor” (2:3) uchrashuvidan keyingi matbuot anjumanining birinchi qismida jamoamiz bosh murabbiyi Sergey Lushan ishtirok etib, OAV xodimlarining savollariga javob berdi.
"Lochinlar" ustozi odatdagidek o‘z so‘zini o‘yin haqidagi fikrlari bilan boshladi.
- Yaxshi uchrashuv bo‘ldi. Bahs muxlislarga yoqdi, degan umiddaman. Yigitlardan so‘ragan barcha ko‘rsatmalarimiz bajarildi. Natija esa tabloda ko‘rinib turibdi. Raqib ham yetarlicha qarshilik ko‘rsatdi. Yana 2-3 ta vaziyatlarimizdan foydalanganimizda, o‘yin masalasini ancha erta hal etgan bo‘lardik. Yaxshi jamoaga qarshi yaxshi maydonda o‘ynash yoqimli. Omad bugun biz tomonda bo‘ldi. Men VARni tushunmayman, to‘g‘risi. Bitta uchrashuvda boshqacha talqin qilinadi, ikkinchisida esa umuman boshqacha. Qoidalarda adashib ketganman. Hakamlar komissiyasi vaziyatlarni tahlil qilib chiqsa kerak. Ikki jamoa ham teng sharoitlarda edi.
- “Navbahor” so‘nggi bir hafta ichida uchta o‘yinda ishtirok etdi. Zich taqvim futbolchilarning jismoniy holatlariga qanchalik ta’sir qilmoqda?
- Har bir jamoaga har uch-to‘rt kunda o‘ynash qiyinchilik tug‘diradi. Biz O‘zbekiston kubogi doirasidagi bahsda kam o‘yin imkoniyatga ega bo‘layotgan futbolchilarni maydonga tushirgandik, ammo so‘nggi 20 daqiqada asosiy tarkib o‘yinchilarini maydonga tushirishga majbur bo‘ldik. Sababi natija kerak edi. Ikkita bellashuvda ham natijaga erishdik, demak, yaxshi ishlagan ekanmiz. Endi esa bir haftalik tanaffus bor va “Qo‘qon-1912”ga qarshi kechadigan o‘yin. O‘ylaymanki, futbolchilar keyingi bahsga qadar tiklanib olishadi. Keyin esa katta tanaffus bor.
- “Bunyodkor”dan qanday qiyinchiliklar tug‘dirishini kutgandingiz va o‘yin jamoangiz uchun qanchalik qiyin bo‘ldi?
- “Bunyodkor” jiddiy jamoa ekanligi sir emas. Hujum chizig‘i ancha kuchli. Raqibni ko‘p vaqt davomida o‘rgangan edik. O‘rganganlarimizni yigitlar bilan bo‘lishdik. Bugun futbolchilar raqibning kuchsiz jihatlaridan foydalana olishdi. Himoya chizig‘idagi muammolardan xabardor edik. O‘yindan ko‘nglim to‘ldi va men kutgan narsalar sodir bo‘ldi.
- “Navbahor” futbolchilari tanaffusdan so‘ng, ancha faol bo‘ldilar. Tanaffusda futbolchilarga nimalar dedingiz?
- Deyarli hech narsa. Uchrashuv davomida o‘zgarish qilish qiyin. O‘yin tizimini mashg‘ulot jarayonida o‘rganib olish kerak. Biz maydon markazida vertikal futbol o‘ynay boshladik. Tanaffusda yigitlarni tinchlantirib olish kerak edi.
- Futbolchilaringiz ikkinchi bo‘limda ko‘proq tartibli o‘ynashgandek tuyuldi. Masalan,Ruslanbek Jiyanov birinchi bo‘limda turli xil zonalarda paydo bo‘ldi, ammo tanaffusdan so‘ng o‘z pozisiyasida harakatlandi...
- O‘zingiz savolga javob berib qo‘ydingiz. So‘nggi daqiqalarda ikki hujumchimiz bir qanotga o‘tib olishdi. Ular hali yosh. Ularni tinchlantirib olish kerak.
- Jamoangiz to‘pga egalik qilayotgan paytda, legioner futbolchilarga to‘p juda kam yetib kelayotgandek. Misol uchun, jamoangiz pozision hujum tashkil etayotgan vaqtda Teydi to‘pni qabul qilib olish uchun yaxshi pozisiyada edi, ammo futbolchilar unga pas berishmadi va aksincha, to‘pni ortga uzatishdi. Bunga sabab, o‘zaro kommunikasiyadagi muammolarmi? Legionerlar mahalliy tilda muloqot qila olmasliklari sababli, mashg‘ulot jarayonlarida jamoani tushunishga qiynalishmayaptimi?
- Mashg‘ulotlarda bunday muammo yo‘q. O‘yin jarayonida esa ushbu muammo bor, deb o‘ylayman. Biz gol urganimizdan so‘ng, vertikal o‘yin uslubiga o‘tib olyapmiz. Lekin bu Teydini ko‘rishmayotganini anglatmaydi. Bizning hujum chizig‘imiz juda tezkor, xolos. Ikki tezkor futbolchilarimizdan raqib himoyachilarining ortiga ochilishni talab qilamiz. O‘tgan mavsumda tarkibimizda tajribali futbolchilar ko‘p edi. Jamoa charchab qolgan va tartibsizlik boshlanayotgan vaziyatlarda aynan tajribali futbolchilarimiz jamoani tinchlantirishi kerak edi. Hozirgi kunda tarkibimizda bunday futbolchilar yo‘q. Hozircha natija yaxshi, agar natija qayd etilmasa, yangi narsa o‘ylab topishimiz kerak bo‘ladi.
To‘pga egalik qilishdan foyda yo‘q. Birinchi bo‘limning o‘zidayoq 800 ta pas amalga oshirish orqali ko‘proq ochkolar to‘play olmaymiz. Men yigitlar uchinchi zonadagi agressiv o‘yinni talab qilaman. Ayrim vaziyatlardan foydalana olmayapmiz. Biz natijaga ertaroq erishishimiz mumkin edi.
- Jamoada penaltilarni ijro etadigan asosiy futbolchi kim?
- Bizda Jiyanov, Ahmedov va O‘rinboyevlar mashg‘ulotlardan keyin qolib, penaltilar tepishadi. Men hech kimni majburlamayman. Penaltilarni ijro etish mashg‘ulot dasturimizdan ham joy olmagan. O‘yindan bir kun avval 11 metrlik zarbani ijro etishi mumkin bo‘lgan 3-4 nafar futbolchini e’lon qilamiz. O‘yin jarayonida kim o‘ziga ishonsa, o‘sha futbolchi zarbani ijro etadi.
- Hakam VARda vaziyatni ko‘rayotgan paytda siz “Bunyodkor” bosh murabbiyi bilan nimalarnidir gaplashdingiz. Agar sir bo‘lmasa, nima haqda gaplashdingiz?
- Men va raqib bosh murabbiyi o‘yindagi ko‘p to‘xtalishlardan norozi edik. Men o‘sha vaziyatni boshqacha ko‘rdim, raqib bosh murabbiyi esa boshqacha. Ikki og‘iz so‘z almashdik, xolos. Bizga gol urilgan vaziyatda menimcha, Azim Ahmedovga nisbatan qoida buzilgan edi. Gol urgan futbolchiga pas berilgan vaziyatda Azimga nisbatan qoida buzilgan edi. Menimcha, bu fol. Agar raqib futbolchisi Azimga nisbatan qo‘pol o‘ynamaganida, gol toza urilgan bo‘lar edi. Fol bo‘lsa gol bekor qilinishi kerak. Hozirgi qoidalarni tushunmayman. Masalan, oldin to‘p qo‘lga tegsa, penalti belgilanar edi. Qo‘l ko‘tarilganmi yoki boshqa holatda farqi yo‘q. Savollarni hakamlarga berish kerak, menga emas. Men ham sizlardek oddiy insonman. Qoidalar esa har yili o‘zgarib bormoqda" - dedi Lushan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
