Блаттер Хорватия футбол федерациясига таъзия изҳор қилди
Хабарингиз бор, кеча бўлиб ўтган Ўзбекистон ва Хорватия ёшлар терма жамоалари ўртасидаги баҳс 1 дақиқалик сукут сақлаш билан бошланди. "Истра 1961" клубининг 24 ёшли футболчиси Ален Памич жума куни машғулот пайтида оламдан ўтди.
Ушбу футболчи ўзининг профессионал фаолиятини 2009 йилда "Риека" жамоасида бошлаб, кейин Бельгиянинг "Стандард Льеж" клубига ўтганда. 2011 йили эса "Истра 1961"га қайтиб келганди.
"Ёш футболчининг машғулот пайтида оламдан ўтганини эшитиб шокка тушдим ва чуқур қайғуга ботдим", дея ёзади ФИФА президенти Хорватия футбол федерациясига йўллаган мактубида. "У кучли ва серғайрат ярим ҳимоячи эди. Ишончим комил, унинг ҳаёти умидларга ва келажакка йўналтирилган режаларга тўла эди. Ален Памичнинг ўрни билинади".
Манба: www.fifa.com
Киритилди: 08:55, 27.06.2013. Ўқилди: 4473 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар