«Милан» Тео Эрнандеснинг «Ал-Ҳилол»га ўтганини эълон қилди
"Милан" расмий сайтида 27 ёшли чап қанот ҳимоячиси Тео Эрнандеснинг "Ал-Ҳилол" жамоасига ўтганини эълон қилди.
Италия гранди ўз баёнотида шундай дейди: "Клуб Теога ўтган олти йиллик ҳамкорлик учун миннатдорчилик билдиради ва унинг шахсий ҳамда профессионал фаолиятида омад тилайди".
Аввалроқ ОАВда тарқалган маълумотларга кўра, "Ал-Ҳилол" франциялик футболчининг трансфери учун "Милан"га 25 миллион евро тўлайди. Шунингдек, Эрнандес Саудия клуби билан тузган уч йиллик шартнома давомида бонусларсиз 60 миллион евро маош олиши мумкинлиги таъкидланган эди.
Ҳимоячи "россонери" сафига 2019 йил ёзида Мадриднинг "Реал" клубидан қўшилган. Ушбу давр мобайнида у барча мусобақаларда жами 262 та ўйинда иштирок этди, 34 та гол урди ва 45 та голли узатма амалга оширди. Эрнандес "Милан" билан бирга Италия чемпиони бўлган ва мамлакат Суперкубогини қўлга киритган.
Манба: championat.com
Киритилди: 21:07, 10.07.2025. Ўқилди: 2058 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар