Ушбу турнинг эътиборли баҳсларидан бирида «Динамо» кетма-кет иккинчи ўйинда Қашқадарё вилояти жамоаларидан яна бири Ғузорнинг «Шўртан» жамоасига қарши саф тортади.
БАҲС БОБОМУРОДОВГА ТОПШИРИЛДИ
ПФЛ томонидан эълон қилинган рўйхатга биноан, шанба куни Самарқандда бўлиб ўтадиган баҳсни навоийлик ҳакамлар бригадаси бошқариб борадиган бўлди. Бош ҳакам сифатида Рустам Бобомуродов ишлайди. Ўйин назоратчиси пойтахтлик Рифат Ишмурзин тайинланган.
29 июнь (шанба)
«Динамо» (Самарқанд) – «Шўртан» (Ғузор)
Ҳакамлар: Р. Бобомуродов (Навоий), Р. Самандаров (Навоий), О. Жумаев (Навоий), С. Ивлев (Навоий).
Назоратчи: Р. Ишмурзин (Тошкент).
Ўйин бошланиши вақти: 18:30.
ЎЗАРО ЎЙИНЛАР ТЎПЛАР НИСБАТИ: 21-20
Умуман олганда Самарқанд ва Ғузор жамоалари миллий чемпионатимиз тарихида умумий 16 марта рўбарў келишган. Натижалар тенгликни кўрсатмоқда. Ҳар иккала жамоа 7 тадан ўйинда зафар қучган. 2 учрашув дуранг билан якунланган. Тўп киритиш борасида кичик устунлик “Динамо” томонида – 21:20. Ўзаро баҳсларда ҳар иккала жамоа 23 тадан очко тўплаган.
Ўзаро баҳсларда “Динамо”нинг “Шўртан” устидан қозонган энг йирик ғалабаси – 4:1. “Шўртан”нинг “Динамо” устидан ўзаро ўйинлардаги энг йирик муваффақияти эса 4:2 ни ташкил қилади.
Ўтган мавсумдаги Самарқанддаги учрашувда Дилявер Абибуллаевнинг ягона голи «Динамо»га ғалаба келтирган бўлса, Ғузордаги баҳсда ҳам ғалаба мезбонларга насиб этган. Игорь Тараннинг сўнгги дақиқада киритган голи воҳаликларга ғалаба келтирган.
Самарқандда ўтган учрашувлар:
05.05.2012: «Динамо» – «Шўртан» - 1:0
17.09.2011: «Динамо» – «Шўртан» - 3:0
16.10.2010: «Динамо» – «Шўртан» - 1:1
11.04.2009: «Динамо» – «Шўртан» - 2:1
04.10.2008: «Динамо» – «Шўртан» - 1:2
29-тур, 2007: «Динамо» - «Шўртан» - 2:1
23-тур, 2006: «Динамо» - «Шўртан» - 4:1
2-тур, 2005: «Динамо» - «Шўртан» - 1:0
Ўзаро ўйинлар ҳақида факт:
«Динамо» Самарқанддаги ўйинларда ўз тарихида бир маротаба «Шўртан»га мағлуб бўлган. Бу беш йил аввал 2008 йилда қайд қилинган. Ўшанда ғузорликлар кўҳна шаҳардан 1:2 ҳисобидаги ғалаба билан қайтган. Шундан бери ўтган сўнгги тўрт учрашувда «Динамо»нинг уч ғалабаси ва битта дуранг қайд этилган.
Яна бир эътиборли жиҳати, ўтган мавсумда ғузорликлар дарвозасини ишғол этган Дилявер Абибуллаев ҳозирда «Шўртан» шарафини ҳимоя этмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
