Ўзбекистон Суперлигасининг 18-туридан ўрин олган “Андижон” – “Навбаҳор” (0:1) учрашувидан кейинги матбуот анжуманининг биринчи қисмида меҳмонлар бош мураббийи Сергей Лушан иштирок этиб, ОАВ ходимларининг саволларига жавоб берди.
- Ўйин ҳақидаги фикрингиз?
- Қийин баҳсни ўтказдик. “Андижон”га қарши кечадиган беллашувлар доимо қийин кечган. Бир ярим йилдан буён Наманганда ишлаб келяпман ва ушбу вақт давомида андижонликларга қарши нечта учрашув ўтказган бўлсак, ҳеч қайсиниси осон кечмаган. Дерби ўз номи билан дерби. Футболчиларга раҳмат, бугунги кўрсатмаларни 90 фоизга тўғри бажаришди. Кетма-кет иккита дурангдан сўнг, ғалаба қозонганимиз яхши бўлди. Ўйлайманки, мазкур ютуқ жамоамизга олдинга қараб ишлаш ҳамда ривожланиш учун туртки беради. Рақибнинг кўплаб ҳужумларини тўхтатиб қолдик. Албатта, ўзимиз ҳужумга кўп ўтмадик, лекин ижобий натижа қайд эта олдик. Қўлга киритилган зафар билан футболчиларимиз ва мухлисларни табриклайман.
- Ўтган турдаги “Сўғдиёна” билан бўлган учрашувни асосий таркибда бошлаган футболчилардан бир нечтаси бугун асосий таркибда ўйнамади. Бу нима билан боғлиқ?
- Аввалги ўйиндан кейин ҳам айтгандим, биз ёзги йиғинни кўнгилдагидек ўтказа олмадик. Қарийб 70 фоиз футболчилар йиғинда иштирок эта олишмади. Легионерлар иккинчи давра стартига беш кун қолганида, Жиянов билан Мирсаидовлар эса 4 кун қолганида сафимизга қўшилишди. Бу эса машғулотларда ўз таъсирини кўрсатди. Ҳозирги пайтга келиб. ҳамма машғулотларда қатнашяпти ва ўзини кўрсатишга ҳаракат қиляпти. Қўшимча машқлар бажаришяпти. Ўйиндан - ўйинга кучайиб борамиз, деб умид қиламан. Болтабоев ҳам энди-энди жамоага киришиб кетяпти. “Сўғдиёна”га қарши кечадиган Ўзбекистон кубоги ўйинигача ҳамма яхши формада бўлади, деб ўйлайман.
- Ўйиндан қониқдингизми?
- Ҳа, жамоамизнинг ҳаракатидан қониқдим. Таъкидлаганимдек, футболчилар кўрсатмаларни тўғри бажаришди. Чиройли гол ҳам урдик. Биз ҳозир жамоа тузиш ҳамда шакллантириш устида иш олиб боряпмиз. Қийин учрашувлар орқали бунга эришамиз.
- Жамоа сардори Азим Аҳмедов нима учун майдонга тушмаяпти?
- Бу рақобат билан боғлиқ. Албатта, Азим Аҳмедов кучли футболчи, у нафақат майдонда, балки жамоадошлари орасида ҳам етакчи. Лекин ҳимоя чизиғимизда бразилияликлар яхшироқ кўринмоқда. Улардан кимдир сафдан чиқса, Азим ўрнини тўлдиради. Бир томондан захира ўриндиғимизда шундай ўйинчи борлиги яхши, чунки исталган пайт уни майдонга тушириб, фойдалана оламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
