Ўзбекистон Суперлигасининг 20-туридан ўрин олган «Шўртан» – «Навбаҳор» (3:3) учрашувидан кейинги матбуот анжуманининг иккинчи қисмида мезбонлар бош мураббийи Элдор Мойлиев қатнашиб,журналистларнинг саволларига жавоб берди.
— Ўйин ҳақидаги фикрингиз?
— Томошабоп ўйин бўлди. Иккала жамоа ҳам ғалаба учун майдонга тушганди. Мухлисларимизга охиригача қўллаб туришгани учун раҳмат айтаман. Футболчиларга ҳам раҳмат, ҳамма борини бериб ўйнади. Ўз хатоларимиз туфайли ўз дарвозамиздан оддий тўпларни ўтказиб юбордик. Қийналиб гол урамиз, кейин эса оддий ҳолатда ўз дарвозамиздан тўп олиб чиқамиз. Кўплаб вазиятлар яратдик, афсуски, ғалаба қозона олмадик.
— «Шўртан» дарвозасига урилган 3-голда дарвозабон олдинга чиқиб кетди ва хатога йўл қўйди...
— Ўша вазиятда дарвозабонимиз олдинга чиқмаса ҳам бўларди, чунки ҳимоячи бор эди. Лекин ўзига ишонч билан чиқди, аммо кичик эпизодда хатога йўл қўйди. Одатда ҳимоячилар тўп учун кураш олиб бораётган пайтда дарвозабонлар олдинга чиқишмайди, қолаверса, дарвозагача ҳали масофа узоқ эди. Биз эса рақибга гол совға қилдик.
— Темур Мамасиддиқов билан Нуриддин Ҳасановларнинг алмаштирилишлари сабаби нимада?
— Темур тўп билан яхши, лекин ҳимояда озроқ бўш ўйнайди. Биз ҳисобда олдинда бораётгандик, шунинг учун уни ҳимояга яхши қўшиладиган футболчига алмаштирдик. Нуриддин Ҳасанов эса микрожароҳат сабаблиЮ ўйнай олмаслигини айтди, шу боис, уни алмаштирдик.
— Кучли жамоаларга қарши кечадиган учрашувларда «Шўртан»нинг ўйинини қандай изоҳлайсиз?
— Ўтган турда «Насаф» билан бўлган ўйинни ҳам яхши бошлагандик. Гап натижада эмас, балки ўзимизга бўлган ишончда. «Насаф»дан учралган мағлубиятдан сўнг, йигитлар билан кўпроқ руҳий томонлама ишладик. Бизда ҳаммага кураш таклиф эта оладиган жамоа бор, фақат футболчилар ўз кучларига ишонишлари керак. Ўз кучимизга ишонсак, ҳамма билан тенгма-тенг ўйнай оламиз.
— «Шўртан» бугун ғалабадан қуруқ қолишининг сабаби юзага келган хатолар туфайлими?
— Энди кўп нарса ўзимиз йўл қўйган хатолар билан боғлиқ. Эътибор беринг, рақиб оддий голларни уряпти. Гол уришга келганда эса жуда қийналяпмиз. Хурсанд қилаётган томони, биринчи даврадаги ўйинимизга нисбатан ҳозир кўпроқ хавфли вазиятлар яратяпмиз. Фақат уларлардан фойдалана олсак бўлди.
— Сардор Саъдуллаев Жўрабек Манноновнинг ўрнини тўлдира олдими?
— Сардор яхши футболчи. У «Насаф» билан бўлган беллашувда ҳам яхши ўйнаганди. Бугунги учрашувда фақат бир марта хатога йўл қўйди. У бирга бир вазиятларда тўпни рақибдан олиб қўйди. Ҳимоячи сифатида ўз ишини яхши бажарди.
«Навбаҳор» ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
