«Галатасарой» Доннарумманинг трансфери бўйича «ПСЖ»га ғайриоддий таклиф берди
Туркиянинг «Галатасарой» клуби италиялик дарвозабон Жанлуиджи Доннарумма трансфери бўйича «Пари Сен-Жермен»га ғайриоддий таклиф билан чиқди. Бу ҳақда журналист ва инсайдер Руди Галетти ижтимоий тармоқ X орқали хабар берди.
Манбага кўра, музокаралар ноанъанавий формула асосида олиб борилмоқда: ҳеч қандай трансфер тўловисиз, фақат кейинги сотувдан тушадиган маблағ эвазига.
Хабарда айтилишича, бу қадам бозор қонуниятларини издан чиқариши ва футболчилар манфаатларини ҳимоя қилиш амалиётини шубҳа остига қўйиши мумкин.
Аввалроқ «Манчестер Сити» Доннарумма учун 15 млн евро таклиф қилгани, аммо «ПСЖ» уни 25–30 млн евро орасида баҳолаётгани маълум қилинган эди.
Дарвозабон 2021 йил ёзги трансферида «ПСЖ»га қўшилган. Унинг парижликлар билан шартномаси яна бир йилга мўлжалланган. Илгари клуб ва футболчи янги шартнома юзасидан келиша олмагани ҳақида хабарлар тарқалганди.
Манба: championat.com
Киритилди: 06:34, 30.08.2025. Ўқилди: 3486 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар