Ўзбекистон ва Франция ёшлар терма жамоаси жаҳон чемпионатининг чорак финал учрашувида ўзаро рўбарў келишмоқда. Ушбу хабар остида учрашув қайдномаси янгилаб борилади. Энг аҳамиятли воқеликларга шарҳ ёзамиз.
20-дақиқага келиб терма жамоамиз илк зарбани ижро этди. Ҳозирча устунлик тўлиқ рақибларимиз тарафда. Хусусан, французлар дастлабки 20 дақиқада дарвозамиз томон 8 марта зарба беришди, шулардан 3таси аниқ чиқди. Тўп билан муомала фоизда 62-38, устунлик европаликларда.
31-дақиқа. Учрашувнинг учдан бир қисми ортда қолаётган вақтда французлар охир-оқибат гол киритишди. Чап қанотдан жарима майдонимизга ёриб кирган шеригидан тўпни қабул қилиб олган Яя Саного жуда яқин масофадан зарба беришда адашмади - 1:0...
35-дақиқа. Орадан ҳеч қанча вақт ўтмай Тоҳир Шамситдинов жарима майдончамиз ичида рақиб футболчисини чалиб йиқитди. У огоҳлантирилди ва "Ювентус" яримҳимоячиси Пол Погба имкониятни қўлдан чиқармади - 2:0.
43-дақиқа. Яна пенальти, яна гол. Яна французларнинг чап қаноти. Диёржон Тўропов жарима майдонимиз ичида тўпни қўли билан ўйнаб ўта қўпол техник хатога йўл қўйди. Бу эса жуда кичик умидларни ҳам сўндирди. Пенальти, Товен, Омоновнинг тўп зарбасини топгани ва уни қайтаролмагани. Охир оқибат биринчи бўлимнинг ўзидаёқ учрашув тақдири ҳал бўлгани - 3:0.
64-дақиқа. Биз қўрққанимиздек, ҳисоб йириклашишда давом этмоқда. "Сент Этьен" ҳимоячиси, бир неча кун аввал Ўзбекистон ҳақида ҳеч нарса билмаслигини айтиб ўтган Курт Зума - бу сафарги гол муаллифи.
68-дақиқа. Терма жамоамиз учта ўзгаришни амалга ошириб бўлди. Статистиканинг терма жамоамиз зарбалари қаторида ҳамон 2 рақами ёниб турибди. Ҳозирча Франциянинг тўртта голига 4та сариқ карточкамиз билан жавоб бериб турамиз.
70-дақиқа. Кутилганидек, 10 киши бўлиб қолдик. Шамситдинов иккинчи марта огоҳлантирилди. Ҳали 20 дақиқа бор.
Учрашув шу ҳисобда якунланди.
ЁШЛАР ЎРТАСИДА ЖАҲОН ЧЕМПИОНАТИ. 1/4 ФИНАЛ.
ФРАНЦИЯ (U-20) - ЎЗБЕКИСТОН (U-20) - 4:0 (3:0)
06.07.2013, 20:00. Ризе. "Йени Сеҳир" стадиони.
Голлар: Я.Саного (31), П.Погба (35, пенальтидан), Ф.Товен (43, пенальтидан), К.Зума (64).
Франция: 1.Алфонсе Ареола, 2.Дмитри Фолкьер, 4.Курт Зума, 5.Сумеэль Умтити, 6.Пол Погба, 8.Жофрей Кондогбия (10.Ахел Нгандо, 62), 9.Яя Саного, 11.Жейн Кристоф Бейҳбек (15.Алехй Босетти, 69), 12.Лукас Динье (3.Пьерра Поломат, 78), 17.Жондан Веретоут, 20.Флориан Товен.
Захира: 7.Тибаут Вион, 13.Марио Лемина, 14.Муҳаммад Сарр, 16.Максим Дупе, 18.Юсуф Сабалй, 19.Кристофер Жуллиен, 21.Паул Чарруа.
Ўзбекистон: 1.Асилбек Омонов, 2.Тоҳир Шамситдинов, 5.Максимилиан Фомин, 6.Аббосбек Махсталиев, 7.Владимир Козак (С), 8.Диёрбек Туропов (9.Жалолиддин Машарипов, 59), 11.Абдул Азиз Юсупов (19.Забиҳилло Ўринбоев, 59), 16.Азамат Абдуллаев, 17.Игорь Сергеев, 18.Сардор Собирхўжаев (13.Камрон Кападзе, 65), 20.Муҳсинжон Убайдуллаев.
Захира: 12.Акмал Турсунбоев, 21.Баҳодир Мирсоатов, 14.Нодир Санақулов, 15.Жасурбек Хакимов.
Огоҳлантиришлар: М.Фомин (14), Т.Шамситдинов (34), С.Собирхўжаев (51), В.Козак (65).
Четлатиш: Т.Шамситдинов (69, иккинчи огоҳлантириш).
Бош ҳакам: Сандро Риччи (Бразилия).
Ассистентлар: Алессандро Роча, Эмерсон Де Карвальо (иккаласи - Бразилия).
Ёрдамчи ҳакам: Карлос Вера (Эквадор).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
