Ёшлар ўртасидаги жаҳон чемпионати чорак финалига қадар етиб келган Ўзбекистон ёшлар терма жамоаси шу ерга келганда мусобақани тўхтатди. Илк марта плей-офф босқичига чиққан ва илк плей-офф ўйинида ғалаба қозониб чорак финалга йўл олган Мусаев шогирдларига Франция ёшлар терма жамоаси ҳеч қандай имконият қолдирмади.
Учрашувнинг дастлабки дақиқалариданоқ французлар олдинга ташланишди. Иккинчи дақиқада улар ҳисобда олдинга чиқиб олиши мумкин бўлганди. Бироқ Саногонинг зарбаси дарвоза устунига тегиб қайтди. Дастлабки ўн дақиқанинг ўзида Франция ёшлари 7 бор вакилларимиз посбони Асилбек Омоновни синовдан ўтказиб кўришди. Бу вазиятларда Омоновнинг ишончли ўйинига голлардан сақлаб қолди.
Ўзбекистон терма жамоасининг ҳужумлари ҳақида гап кетганда эса биргина Аббос Махсталиевнинг чап қанотда бир ҳимоячини алдаб ўтиб Диёр Туроповни тўп билан таъминлагани, бироқ Диёр тўпни тўхтата олмай қолганини, ёки Владимир Козакнинг жаримадан берган зарбасини айтиш мумкин.
Французлар эса 30 дақиқа Омонов дарвозасига йўл топа олишмади. Бу пайтга қадар яна икки марта дарвоза устуни нишонга олинди. Жуда хавфли зарбалар ўтказиб юборилди. 31-дақиқада эса улар барибир гол уришди. Чап қанотдан ёриб кирган футболчи Яя Саногони тўп билан таъминлади. Саного эса ҳимоячи ва дарвозабондан ўтиб келган тўпни осонлик билан дарвозага тўғрилаб қўйди.
35-дақиқада эса энди пенальтидан гол киритилди. Тоҳир Шамситдинов жарима майдончаси ичида қўполлик ишлатди ва сариқ карточка ишлаб олди. Пенальтини эса Поль Погбани мағлубиятга учратди. 43-дақиқада яна бир пенальти Омонов дарвозасига белгиланди. Бу сафар Товен пенальтидан ҳисобни 3:0 кўринишига олиб келди. Бўлим шу ҳисобда якунига етди.
Иккинчи бўлимнинг дастлабки қисмида эса энди Ўзбекистон ёшлари бироз шиддат кўрсатишди. Диёр Туроповнинг зарбаси ҳимоячиларга тегиб майдон ташқарисига чиқиб кетганини айтиб ўтиш жоиз, сабаби жуда кам сонли ҳужумларимиздан бири эди бу. Бироқ бўлим ўрталарига келиб яна Франция устунликни қўлга ола бошлади ва 64-дақиқага келиб ҳисобдаги фарқ йириклашди. Курт Зума бурчакдан ошириб берилган тўпни боши билан дарвозамизга йўллади. Йирик ҳисоб етмаганидек Тоҳир Шамситдинов 69-дақиқага келиб иккинчи сариқ карточкасини олиб майдонни тарк этди.
Лекин бу билан Франция ёшлари ортиқча дарвозамизни безовта қилишмади. Натижада учрашув йирик 4:0 ҳисобида Франция ёшлар терма жамоасининг ғалабаси билан тугади. Улар энди ярим финалда мусобақани давом эттиришади. Мусаев шогирдлари эса ёшлар терма жамоалари тарихидаги тарихий натижа, тарихий миссияни шу ерга келганда тўхтатди.
ЁШЛАР ЎРТАСИДА ЖАҲОН ЧЕМПИОНАТИ. 1/4 ФИНАЛ.
ФРАНЦИЯ (U-20) - ЎЗБЕКИСТОН (U-20) - 4:0 (3:0)
06.07.2013, 20:00. Ризе. "Йени Сеҳир" стадиони.
Голлар: Я.Саного (31), П.Погба (35, пенальтидан), Ф.Товен (43, пенальтидан), К.Зума (64).
Франция: 1.Алфонсе Ареола, 2.Дмитри Фолкьер, 4.Курт Зума, 5.Сумеэль Умтити, 6.Пол Погба, 8.Жофрей Кондогбия (10.Ахел Нгандо, 62), 9.Яя Саного, 11.Жейн Кристоф Бейҳбек (15.Алехй Босетти, 69), 12.Лукас Динье (3.Пьерра Поломат, 78), 17.Жондан Веретоут, 20.Флориан Товен.
Захира: 7.Тибаут Вион, 13.Марио Лемина, 14.Муҳаммад Сарр, 16.Максим Дупе, 18.Юсуф Сабалй, 19.Кристофер Жуллиен, 21.Паул Чарруа.
Ўзбекистон: 1.Асилбек Омонов, 2.Тоҳир Шамситдинов, 5.Максимилиан Фомин, 6.Аббосбек Махсталиев, 7.Владимир Козак (С), 8.Диёрбек Туропов (9.Жалолиддин Машарипов, 59), 11.Абдул Азиз Юсупов (19.Забиҳилло Ўринбоев, 59), 16.Азамат Абдуллаев, 17.Игорь Сергеев, 18.Сардор Собирхўжаев (13.Камрон Кападзе, 65), 20.Муҳсинжон Убайдуллаев.
Захира: 12.Акмал Турсунбоев, 21.Баҳодир Мирсоатов, 14.Нодир Санақулов, 15.Жасурбек Хакимов.
Огоҳлантиришлар: М.Фомин (14), Т.Шамситдинов (34), С.Собирхўжаев (51), В.Козак (65).
Четлатиш: Т.Шамситдинов (69, иккинчи огоҳлантириш).
Бош ҳакам: Сандро Риччи (Бразилия).
Ассистентлар: Алессандро Роча, Эмерсон Де Карвальо (иккаласи - Бразилия).
Ёрдамчи ҳакам: Карлос Вера (Эквадор).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Нефтчи
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
