ФИФА «CAFA Nations Cup» мусобақасини қўллаб-қувватлашини маълум қилди
ФИФА "CAFA Nations Cup" мусобақасини қўллаб-қувватлаш бўйича янги мажбуриятларини эълон қилди.
Марказий Осиё Футбол Ассоциацияси (CAFA) томонидан ташкил этилган ушбу икки йилда бир ўтказиладиган турнирнинг 2025 йилги босқичи Тожикистон ва Ўзбекистон мезбонлигида ўтмоқда. Мусобақада 8 та миллий жамоа иштирок этади.
Шу билан бирга, 2026 йилги Жаҳон чемпионатида қатнашадиган икки терма жамоа ҳам иштирокчилар қаторида.
Жами 14 та учрашув ўтказилиб, финал 8 сентябр, душанба куни Тошкентда бўлиб ўтади.
ФИФА бош котиби Маттиас Графстрём шундай деди:
“CAFA Nations Cup каби мусобақалар жамоаларга ўзаро рақобат қилиш ва футболдан баҳра олиш учун қимматли имкониятларни беради. ФИФА бундай тадбирларни қўллаб-қувватлашга содиқ. Биз конфедерациялар, минтақавий ассоциациялар ва ФИФА аъзолари билан биргаликда миллий жамоалар ҳамда клублар ўртасида янада рақобатбардош учрашувларни ташкил этиш йўлларини излаймиз. ФИФА CAFA билан бирга ушбу мусобақани ривожланиш ва унутилмас лаҳзалардан завқ олиш майдонига айлантираётганидан фахрланади”.
2023 йилдаги илк босқичдан кейин турнир 8 та миллий жамоага кенгайди:
- 6 та CAFA аъзоси
- 2 та таклиф этилган жамоа (Ўмон ва Ҳиндистон).
CAFA ўзининг 10 йиллик юбилейини нишонлар экан, мусобақа нафақат Марказий Осиёда, балки минтақадан ташқарида ҳам катта медиа эътиборига сазовор бўлиши кутилмоқда.
Мезбонлардан бири бўлган Ўзбекистон тарихда илк бор Жаҳон чемпионатига йўлланма олди ва эндиликда турнирда Эрон билан биргаликда юқори даражадаги рақобатни таъминлайди.
ФИФАнинг қўллаб-қувватлаш сиёсати
- Бу қадам ФИФАнинг 2023–2027 йилларга мўлжалланган “Глобал ўйин учун стратегик мақсадлари” дастуридаги 7-мақсадга асосланади.
- 2026 йилгача FIFA Forward 3.0 доирасида CAFA каби минтақавий ассоциацияларга ҳар йили 5 млн доллар ажратилади.
- ФИФАнинг истеъдодларни ривожлантириш дастури ва аёллар футболи ривожи дастури ҳам минтақада футбол тараққиётига ҳисса қўшади.
CAFA сўнгги йилларда нафақат эркаклар учун, балки турли ёш тоифаларида ва аёллар футболида ҳам қатор мусобақаларни ташкил этиб, Марказий Осиёда футболни янада оммалаштиришда етакчи роль ўйнамоқда.
Манба: fifa.com
Киритилди: 22:49, 03.09.2025. Ўқилди: 1280 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
