CAFA мусобақасининг 3-турида Ўзбекистон ва Қирғизистон терма жамоалари ўртасидаги учрашувда “Андижон” дарвозабони Эржан Токотаев ўйиннинг иккинчи бўлим бошларида бошидан жароҳат олгани боис мажбурий ўзгариш сабабли майдонни тарк этганди.
“Андижон” матбуот хизмати Эржан билан боғланди.
- Эржан, соғлигингиз яхшими? Ўзбекистонга қарши ўйинда жароҳат олдингиз. Ҳозир ҳолатингиз қандай?
- Катта раҳмат. Ҳозирги пайтда ўзимни анча яхши ҳис қиляпман. Таҳлил натижаларидан сўнг шифокорлар ўзимни зўриқмай туришимни ва танамга дам беришим кераклигини тавсия беришди. Шишиш қайтиши учун бироз вақт керак. Шундан сўнг машғулотларга қайтишим мумкин.
- Умуман, терма жамоамизга қарши учрашув сизда қанақа таассурот қолдирди?
- Ўзбекистон билан ўйин ҳақида айтадиган бўлсам, ёмон бошламагандик. Айтишим мумкинки, рақиб биринчи таймда фақатгина биргина голли вазиятни ҳисобга олмаганда деярли хавфли вазиятларни юзага келтира олмади. Иккинчи бўлимда эса деярли ўйнамадим. Иккинчи бўлимнинг дастлабки дақиқаларида тўқнашув юз берди ва ўйинни тарк этишимга тўғри келди.
- Маълумки, Туркманистон терма жамоасининг асосини “Аркадаг” клуби футболчилари ташкил қиладилар. Сиз эса Қирғизистон термаси сафида уларга қарши ўйнадингиз. “Андижон” ОЧЛ 2 нинг илк турини Ашхободда айнан “Аркадаг”га қарши ўтказишини яхши биласиз. Хўш, туркман футболчилари ҳақида нималарни айта оласиз?
- Тажрибали, малакага эга футболчилари бор. Албатта, қандай ўйин кўрсатишимиз ўзимизга боғлиқ. Лекин енгил ўйинлар бўлмайди.
- Айтинг-чи, “Аркадаг” билан учрашувда нимага кўпроқ эътибор қаратишимиз лозим? Масалан, уларни кучли ва кучсиз тарафлари нимада деб ўйлайсиз?
- Менинг фикримча, биз нисбатан ёшроқ жамоамиз. Ўйлайманки, яхши темпда ўйин кўрсатадиган бўлсак, бу яхши натижани ҳам келтиради.
- Андижонга қачон келасиз? CАФА мусобақасидан кейин ўзингизни қандай ҳис қиляпсиз?
- Ҳозирги пайтда тинчгина ва юкламаларсиз дам олишим лозим. Тезроқ сафга қўшилишим учун қўлимдан келган барча ҳаракатни қиляпман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
