Максим Шацких: «Бу ерга дуранг учун келганимиз йўқ, ғалаба учун ўйнаймиз»
ОЧЛ 2 «B» гуруҳидаги «Аркадағ» — «Андижон» учрашуви олдидан бугун стадионда матбуот анжумани бўлиб ўтди.
Унда дастлаб жамоамиз бош мураббийи Максим Шацких ҳамда дарвозабонимиз Эржан Токотаев иштирок этишди.
— Саволим Эржан Токотаевга. Сиз яқинда Қирғизистон терма жамоаси сафида CAFA мусобақасида қатнашдингиз ва жароҳат олдингиз. Ҳолатингиз қандай? Эртанги учрашувга тайёрмисиз?
— Биринчи навбатда қайғурганингиз учун раҳмат. Жароҳатдан сўнг даволаниб олдим. Ҳозирги пайтда баҳсга тайёрман.
— Савол Эржан Токотаевга. Сиз у ерда Туркманистон терма жамоасига қарши ўйнадингиз. Рақибни ўзига яраша билдингиз. Шундай экан, учрашувдан аввал қандайдир босим йўқми?
— Ҳеч қандай босим йўқ. Албатта, қизиқарли жамоа, ўзининг кучли томонлари бор. Халқаро катта тажрибага эга жамоа. Шунинг учун бизни қизиқарли баҳс кутяпти. Рақибни ҳурмат қиламиз, лекин қўрқмаймиз.
— Савол Максим Шацкихга. Сиз илгари «Пахтакор» билан туркман жамоаларига қарши иштирок этгансиз ва ўзаро ўйинларда тажрибангиз бор. Масалан, дуранг бўлганди. «Аркадағ» янги ташкил этилган жамоа. ОФК “Чақириқ Кубоги”ни ҳам ютди. Бу клубни кучли ва кучсиз томонларини ўргандингизми?
— Биринчи навбатда ҳаммага хайрли кеч. Биз жамоа хақида максимал маълумот олишга эришдик. САФА турнири орқали ҳамма ўйинларини таҳлил қилдик. Жамоани ўтган йилги “Чақириқ Кубоги”даги ярим финал ва финал ўйинларини кўриб чиқдик. Бизда таҳлил қилиш учун етарли вақт бўлди. Гуруҳдаги биринчи ўйинга пухта тайёргарлик кўрдик. Эртага биз Туркманистон терма жамоасига қарши ўйнашимизни тушиниб турибмиз. Терманинг 99 фоиз ўйинчилари «Аркадағ» жамоаси ўйинчилари саналади. Биз бу ўйинга жиддий тайёрландик. Аксига олиб биз бу турнирда янгимиз. Ўйлайманки, эртага қизиқарли ва жиддий ўйин бўлади. Тезкор ва тартибли ўйин намойиш этамиз, деб умид қиламан. Асосийси, натижа. Биз бу ерга дуранг учун келганимиз йўқ, табиийки, ғалаба учун ўйнаймиз.
— Максим Александрович, жамоангизнинг ҳозирги ҳолати қандай?
— Ҳаммаси яхши. Парвозимиз ҳам яхши бўлди. Ўйинга қилган режамизни амалга оширамиз, албатта.
— «Андижон» ОЧЛ 2 да янги жамоа. «Аркадағ» ҳам дебютини ўтказади. Гуруҳдаги жамоаларнинг имконияти ҳақида нима дея оласиз?
— Ўйлайманки, тўртала жамоанинг вазифаси гуруҳдан чиқиш. Ҳеч ким буни яширмайди. Бизда ҳам шу мақсад. Эртагалик ўйин орқали мақсад сари олдинга борамиз.
— Эшитишимизча, «Андижон» таркиб масаласидаги ишларини ҳали тўлиқ якунламаган ва таркиб кучайтирилиши кутилмоқда экан...
— Режамиз бор, ҳали ҳеч нарса айта олмайман. Лекин ҳозир ҳам изланишдамиз.
Манба: https://t.me/andijonpfc
Киритилди: 23:46, 16.09.2025. Ўқилди: 1154 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
