Карвахаль «Марсель»га қарши ўйиндаги четлатилиш учун узр сўради
Мадриднинг «Реал» клуби ҳимоячиси ва сардори Даниэль Карвахаль Чемпионлар лигаси умумий босқичи 1-турида «Марсель»га қарши учрашувнинг 72-дақиқасида майдондан четлатилгани учун узр сўради.
Футболчи учрашувнинг 5-дақиқасида майдонга тушган эди (Трент Александер-Арнолднинг ўрнига). У 72-дақиқада рақиб дарвозабони Херонимо Рулини «боши билан уриб юборгани» учун қизил карточка олди, дарвозабон эса газонга йиқилди.
Карвахальнинг сўзларини Marca нашри келтиради:
«Охирги кунларда содир бўлган ҳолат, Чемпионлар лигасида майдондан четлатилиш ва номуносиб ҳаракатим учун узр сўрайман. Бу бошқа қайтарилмайди. Жамоа катта куч сарфлади ва ғалабани илиб кетди».
Кейинги турда «қаймоқранглилар» 30 сентябрь куни «Қайрат»га қарши баҳс олиб боради.
Манба: championat.com
Киритилди: 15:44, 21.09.2025. Ўқилди: 1100 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар