«Андижон» - «Ал-Аҳли» ўйинидан олдинги матбуот анжуманининг иккинчи қисмида меҳмонларнинг хорватиялик бош мураббийи Игор Бишчан ва футболчи Эрик Александр иштирок этдилар.
— Бош мураббий: Албатта, эртага чиройли ўйин намойиш қиламиз. Чунки бу ерга бекордан-бекорга келмадик. Очко жамғариш учун келганмиз. Умуман олганда, рақиб жамоа кучли. Ҳужумда ҳам, ҳимояда ҳам яхши ўйин ташкил қилади. Ўйин қийин бўлади. Лекин юртимизга яхши натижа билан қайтишга умид қиламиз. Яна шуни умид қиламизки, жисмоний тайёргарлигимизга ҳеч қандай путур етказмайди ва эртанги учрашувга тайёрмиз.
— Футболчи: Бош мураббий айтиб ўтганидек, бўлажак ўйинга яхши ва узоқ тайёргарлик кўрдик. Жисмоний тайёргарлигимиз етарли, деб ўйлаймиз. Эртага юртимизга уч очко билан қайтишни хоҳлаймиз. Учрашувга 100 фоиз тайёрмиз ва ғалаба қозонишга ҳаракат қиламиз.
— Андижонга хуш келибсиз! «Андижон» клуби ҳақида нима дея оласиз?
— Бош мураббий: Аввало, имкониятдан фойдаланиб шуни айтиб ўтишим керакки, ўйинга тайёргарлик юқори даражада. Жамоа билан аэропортга қўнганимиздан бери ҳамма бизни илиқ кутиб олди. Барчаси дўстона руҳда. Ўзига яраша шоу ташкиллаштириб беришди. Шунинг учун ташкилий масалалар бўйича барчага раҳмат айтмоқчиман. Жамоа ҳақида гапирадиган бўлсам, ўйинни ҳимоядан яхши ташкил этади. Ажойиб жамоа. Яна бир натижасини айтиб ўтишим керакки, ҳар доим ҳам ўз майдонида ютқазадиган жамоа эмас. Эртанги ўйин биз учун ҳам қийин бўлади. «Андижон»ни «Аркадаг»га қарши ўйини ҳамда Ўзбекистон Суперлигасидаги учрашувларини кўриб чиқдик. Ўзимиз учун мос рақиб. Лекин алоҳида эътироф этишимиз керак. Биз ўз даражамиздаги ўйинни кўрсатишимиз керак. Яхши натижа билан Қатарга қайтамиз.
— Жамоа қай ҳолатда етиб келди. Таркибда йўқотишлар йўқми?
— Бош мураббий: Футболчиларни ҳолати ҳақида гапирадиган бўлсам, охирги икки ҳафтада жисмоний «нагрузка» кўп бўлди. Кетма-кет ўйинлар церийасини ўтказдик. Шу сабабли толиқиш бўлиши мумкин. Ҳеч қандай катта жароҳатлар йўқ. Иккита футболчимиз ўзини яхши ҳис қилмаётган бўлиши мумкин. Эртага ўйиндан аввал кўрамиз. Умуман олганда, таркиб ҳолати яхши.
— Жамоани Қатар чемпионатидаги ўйинини кузатганимизда сафар учрашувларида ҳужумкор ўйин кўрсатди. Эртага «Ал-Аҳли» ҳужумкор ўйнайдими ёки ҳимояга асосланган футбол намойиш қиладими?
— Бош мураббий: Ўйинимизни маҳаллий чемпионатда кўрган бўлсанглар, биз катта ўзгаришга йўл қўймоқчи эмасмиз. Қандай ўйнаб келган бўлсак шундай ўйнамоқчимиз. Биздан яхши ўйнайдиган клубларга қарши ҳам ўйинни назорат қилишга ҳаракат қилганмиз. Ўйиндан келиб чиқиб, эртага тактика ўзгариши мумкин. Балки ҳимояда ўйнармиз. Умумий олиб қараганда, жамоанинг доимий ўйинини кўрсатишга ҳаракат қиламиз.
— «Андижон»нинг «Ультрас» мухлислари фақат Ўзбекистонда эмас, Осиёда ҳам кучли. Эртага стадион ишқибозлар билан тўлиши кутиляпти. Ўйинчилар босимга қанчалик тайёр?
— Футболчи: «Ультрас» ҳеч қандай босим бермайди. Қайтанга биз учун эмосия беради, футболни ҳис қилиб ўйнашимиз учун. Ўзига хос чиройли муҳитни яратиб беришади. Бундай муҳитни жуда яхши кўраман. Эртанги ўйинда ҳеч қандай босим ўтказмаслигига аминман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
