Оғир атлетика бўйича 105 кило вазн тоифасида универсидада иштирок этган ўзбекистонлик спортчи Руслан Нуриддинов олтин медални қўлга киритди.
Ҳамюртимиз даст кўтаришдаёқ яқин таъқибчиси Андрей Деманов (Россия)ни 7 килога ортда қолдирди. У 190 кило штангани кўтара олди.
Силтаб кўтаришда россиялик спортчи ҳамюртимизни ортда қолдиришга ҳаракат қилди. Аммо Деманов дастлабки 2та уринишда 212 ва 223 кг.ни кўтардию, аммо сўнгги уринишди имкониятидан фойдалана олмади. Руслан эса силтаб кўтаришда, аввал 215, кейин эса 222 килони ўзига бўйсундирди. Сўнгги уриниш учун у 235 кг. тошга буюртма берганди. Аммо асосий рақиби 231 кг.ни кўтара олмаганидан кейин, Нуриддинов учинчи уринишга ҳаракат қилиб ўтирмади. Учинчи ўрин ҳам россиялик атлет Давид Беджанянга насиб этди — 403 (179+224).
Умумий ҳисобда Руслан Нуриддинов 412 килограмм натижа билан Универсиада рекордини ўрнатди. Бунгача рекорд россиялик Геннадий Муратовга тегишли эди — 400 (183+217) кг.
Шундай қилиб, Ўзбекистон спорт делегацияси ҳисобидаги олтин медаллар сони 2тага етди. Бунгача терма жамоамиз ҳисобида 7та кумуш ва 8та бронза медаллари бор эди. Ўзбекистон медаллар жадвалида 14-ўринга кўтарилиб олди ва Қозоғистон билан бир хил натижага эга бўлиб турибди.
Бугун эрта тонгда юнон-рум кураши, бадиий гимнастика ва самбо бўйича мамлакатимиз терма жамоаси аъзолари Универсиада ўйинларида иштирок этиш учун Қозон шаҳрига жўнаб кетдилар. Улар орасида биринчи бўлиб мусобақаларга байдарка ва каноэда эшкак эшиш бўйича терма жамоамиз аъзолари (13 – июлда) киришадилар. 14 – июлдан самбо ҳамда бадиий гимнастикачимиз, 15 – июлдан эса юнон-рум кураши бўйича терма жамоамиз вакиллари баҳсларни бошлайдилар.
Қуйида XXVII Бутунжаҳон Универсиада ўйинларида совриндор бўлган юртимиз спортчилари берилган:
Олтин – Ҳасанбой Дўстматов (-49 кг, бокс)
Олтин - Руслан Нуриддинов (-105 кг, оғир атлетика)
Кумуш – Яҳё Имомов (-81 кг, дзюдо)
Кумуш – Зайлобиддин Ортиқов (-80 кг, белбоғли кураш, классик усул)
Кумуш – Фазлиддин Ғоипназаров (-60 кг, бокс)
Кумуш – Хуршидбек Норматов (-69 кг, бокс)
Кумуш – Азизбек Абдуғофуров (-75 кг, бокс)
Кумуш – Рустам Тўлаганов (-91 кг, бокс)
Кумуш – Улуғбек Алимов (-77 кг, оғир атлетика)
Бронза – Зайлобиддин Ортиқов (-75 кг, белбоғли кураш, эркин усул)
Бронза – Нозимжон Иброҳимжонов (-90 кг, белбоғли кураш, эркин усул)
Бронза – Замира Аҳмедова (-52 кг, белбоғли кураш, эркин усул)
Бронза – Сойиб Қурбонов (-100 кг, дзюдо)
Бронза – Жасурбек Латипов (-52 кг, бокс)
Бронза – Элшод Расулов (-81 кг, бокс)
Бронза – Мирзоҳиджон Абдуллаев (+91 кг, бокс)
Бронза – Манзурахон Мамасолиева (-69 кг, оғир атлетика)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
