Украиналик мутахассис Анатолий Демьяненко "Насаф"да кўп фаолият олиб бормаган бўлса-да, у клуб тарихида қолди, десак муболаға бўлмайди. Ушбу мураббий қўлостида қаршиликлар ўз тарихларида, шунингдек, ўзбек клублари тарихида илк марта ОФК кубогини қўлга киритишди. Кейинчалик, Украинадан таклиф тушганидан сўнг Демьяненко ўз Ватанига қайтиб кетди. Куни кеча у "Спорт обозреватель" сайтига интервью бериб, яна бир марта "Насаф"даги фаолиятига ҳам назар ташлаган.
— "Динамо"дан кейин сиз "Нефтчи" ва "Насаф" клубларида ишладингиз. Озарбойжон ва Ўзбекистондаги иш шароитларини таққослай мумкинми?
— Йўқ. Ўзбекистонда шароитлар ажойиб эди. Озарбойжонда эса ўтмишга тушиб қолгандек тасаввур уйғонганди. База эски эди, машғулот майдонлари унча яхшимасди ва ҳоказо.
— Сиз "Насаф"ни юқори даражага кўтардингиз ва клуб ОФК кубогини қўлга киритди. Клубни бундай даражага кўтариш қийин бўлдими?
— Биласизми, мен клубга келганимда "Насаф" футболчилари қандайдир эзилган ҳолатда эди. Уларда ўз кучларигга бўлган ишонч паст эди. Мен уларни бундай ҳолатдан чиқардим. Мен уларга ишонч билдирдим, ўз навбатида улар менга ишонишди. Бу икки томонлама ҳаракат эди. Техник жиҳатдан футболчилар ёмон эмасдилар. Мен фақат ўйинни йўлга қўйдим ва бироз жисмоний ҳолатни кўтардим.
— "Насаф" таркибида аслида Харьковда таваллуд топган, "Саутгемптон" тарбияланувчиси ҳисобланган латвиялик Андрей Переплёткин порлаганди. Ўз вақтида унинг келажакда яхши футболчи бўлиб етишишини тахмин қилишганди. Аммо у ҳаттоки "Сконто" даражасига ҳам чиқа олмади. Переплёткин, Украина премьер-лигаси даражасига мос келадими?
— Албатта!
— Нима учун уни "Волинь"га таклиф қилмадингиз?
— У "Насаф" билан яхшироқ шартномага эга эди.
— "Насаф"даги муваффақиятли фаолиятингиздан кейин сиз "Волинь" клуби таклифини қабул қилдингиз. Украинага қайтишингизни оилавий сабаблар билан изоҳлагандингиз. Ушбу мавзуга батафсилроқ тўхтала оласизми?
— Мен Украинани соғингандим. Менга яхши таклиф тушди. Шунингдек, "Волинь" олдидаги вазифа шунчаки чемпионатда иштирок этиш билан чегараланиб қолмаслигини айтишди. Мақсад — Европа лигасида иштирок этиш. Албатта, бу мени ўзига жалб қилди. Биз ўтган мавсумда чемпионатда ёмон иштирок этмадик. Европа лигасида иштирок этиш ҳуқуқини берувчи ўринларга яқин эдик. Аммо кейинчалик молиявий муаммолар юзага кела бошлади. Қишда ушбу вазифа олдимиздан олиб ташланди. Мен 2-3 нафар футболчи сотиб олишни сўрадим. Янги футболчилар сотиб олиш учун маблағ йўқлигини айтишди. Шундан кейин маошлар тўланмади ва ҳоказо.
— Молиявий жиҳатдан "Насаф" ва "Волинь"ни таққослаш мумкинми?
— Ҳа, тахминан бир хил.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
