Россиянинг Қозон шаҳрида ўтказилаётган XXVII Бутунжаҳон Универсиада ўйинлари якунига етиб бормоқда.
Бугунга келиб дастурдан ўрин эгаллаган 27 турдан 12 таси ниҳоясига етган. 15 – июль куни байдарка ва каноэда эшкак эшиш, стол тенниси, чим устида хоккей ва шахмат каби спорт турларида ҳам сўнгги кун мусобақалари ўтказилади.
Маълумки, 27 – бор ташкил этилган Бутунжаҳон Универсиада ўйинларида 55 нафар юртдошларимиз спортнинг 10 та турида баҳсларга киришдилар. Бугунга келиб вакилларимиз ўнта спорт туридан олтитасида (бокс, белбоғли кураш, дзюдо, оғир атлетика, эркин кураш, енгил атлетика) мусобақаларни якунлашди ва шундан бештасида (енгил атлетикадан ташқари) совринли ўринларни қўлга киритдилар.
Агарда юқорида санаб ўтилган спорт турлари бўйича ҳамюртларимизнинг иштирокларини сарҳисоб қиладиган бўлсак, энг яхши кўрсаткичга чарм қўлқоп усталаримиз эга эканликларига гувоҳ бўламиз. Яъни Универсиада ўйинларида иштирок этган 9 нафар боксчимиздан 8 нафарини совриндорлар сафидан ўрин эгаллаши, ҳар қанча таҳсинга лойиқ.
Энг енгил вазнда Ҳасанбой Дўстматов (-49 кг) Универсиада ўйинларининг олтин медалини қўлга киритган бўлса, Фазлиддин Ғоипназаров (-60 кг), Хуршидбек Норматов (-69 кг), Азизбек Абдуғофуров (-75 кг), Рустам Тўлаганов (-91 кг) – кумуш, Жасурбек Латипов (-52 кг), Элшод Расулов (-81 кг), Мирзоҳиджон Абдуллаев (+91 кг) – бронза медалларига сазовор бўлдилар.
Сермаҳсуллик борасида юртимиз оғир атлетикачиларининг эришган натижаларига ҳам кўпчилик ҳавас кўзи билан қарамоқда. Эътиборлиси, Қозон шаҳрига йўл олган тўрт нафар оғир атлетикачимиздан уч нафари шохсупага кўтарилдилар. 2011 йилги жаҳон чемпионати совриндори Руслан Нурудинов (-105 кг) олтин медални қўлга киритиш билан бирга, икки бор (даст кўтариш (190 кг) ва иккикураш (412) мусобақалари якунига кўра Универсиада ўйинларининг рекордини ўрнатди.
Бундан ташқари Улуғбек Алимов (-77 кг) кумуш, Манзурахон Мамасолиева (-69 кг) эса бронза медалига сазовор бўлдилар. Яна бир оғир атлетикачимиз Маҳлиё Тоғаева (-48 кг) тўртинчи ўринни эгаллади.
Универсиада ўйинларида белбоғли курашчиларимиз бир кумуш (Зайлобиддин Ортиқов (-80 кг) классик усул) ва учта бронза (Зайлобиддин Ортиқов (-75 кг) эркин усул), Нозимжон Иброҳимжонов (-90 кг) эркин усул), Замира Аҳмедова (-52 кг) эркин усул) медалларини қўлга киритдилар. Эслатиб ўтамиз, Универсиада гиламларида 8 нафар полвонимиз беллашувларда иштирок этдилар.
Медалларни қўлга киритиш борасида тўртинчи кўрсаткич дзюдо усталаримизга тегишли. Универсиада ўйинларига йўл олган 8 нафар полвонимизда икки нафари Яҳё Имомов (-81 кг, кумуш) ҳамда Сойиб Қурбонов (-100 кг, бронза) совриндорлар сафидан ўрин эгаллашди.
Айни пайтга келиб делегациямиз ҳисобидаги яна бир бронза медали самбочимиз Суҳроб Остонаевга (-90 кг) тегишли. Спортнинг ушбу тури бўйича мусобақалар 15-16 июль кунлари ҳам ўтказилади ва умид қиламизки самбо усталаримизнинг кўрсаткичлари ҳам янада салмоқли кўринишга эга бўлади.
Бугун Универсиада ўйинларининг 10 кунига келиб Ўзбекистон делегацияси ҳисобида 2 та олтин, 7 та кумуш ҳамда 9 та бронза медаллари мавжуд ва делегациямиз норасмий умумжамоа ҳисобида 162 давлат орасида 21 – ўринда, медаллар сонига кўра эса 10 – ўринда боришмоқда.
Эслатиб ўтамиз, мамлакатимиз спортчилари (13 нафар) 15-16 июль кунлари спортнинг тўрт (бадиий гимнастика, байдарка ва каноэда эшкак эшиш, самбо, юнон-рум кураши) тури бўйича мусобақаларда иштирок этадилар.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
