17 октябрь куни Саудия Арабистонининг Риёд шаҳрида Осиё Футбол Конфедерациясига аъзо ассоциациялар ва минтақавий ассоциациялар президентлари ҳамда бош котиблари иштирокидаги 2025 йилги конференция старт олди. Унда ташкилотга аъзо мамлакатлар қаторида ЎФА биринчи вице-президенти Равшан Ирматов ва бош котиб Аваз Максумов иштирок этди.
Учинчи маротаба ўтказилаётган мазкур конференциянинг очилиш маросимида ОФК Президенти Шайх Салмон бин Иброҳим Ал Халифа охирги йилларда ОФК мусобақаларни янада мустаҳкамловчи ва ёрқин келажак пойдеворини яратувчи муҳим ислоҳотлар амалга ошаётганини қайд этди:
"Биз ислоҳотлар йўлида қатъий интиламиз. Умумий мақсадларимизга эришиш йўлида тинимсиз меҳнат қилишда давом этамиз, бунга фақатгина аъзо ва минтақавий ассоциациялар фаолиятини ривожлантириш орқали эришамиз. Шу сабабдан ҳам ушбу конференция жуда муҳим аҳамиятга эга — у иштирокчиларга янги ютуқларга эришиш учун зарур билим, восита ва алоқаларни тақдим этиш мақсадида ташкил этилган", деди Шайх Салмон.
Тадбир давомида Осиё Футбол Конфедерациясининг техник директори Энди Роксбург ташкилотнинг дунёдаги етакчи конфедерацияга айланиш миссияси ҳамда Осиё жамоаларининг муваффақиятини таъминлаш бўйича стратегиясини баён қилди. Сўнг УЕФАнинг ижтимоий ва экологик барқарорлик бўйича ижрочи директори Мишеле Ува футболнинг таъсири майдондан ташқарига ҳам чиқишини таъкидлади.
Конференциянинг биринчи кунида "Юқори самарадорликка эга миллий ассоциациялар" мавзусида фикр алмашилди. Унда ЎФА биринчи вице-президенти Равшан Ирматов, Филиппин футбол Федерацияси президенти Жон Антони В. Гутьеррес, Япония футбол ассоциацияси президенти Цунеясу Миямото, Иордания футбол ассоциацияси бош котиби Самар Нассар, Океания Футбол Конфедерацияси операцион директори Фредерик Гиемон иштирок этдилар.
Бугун конференциянинг иккинчи кунги дастурида ОФК бош котиби Датук Сери Виндсор Жон, ФИФАнинг аъзо ассоциациялар билан ишлаш бўйича бош директори Элкҳан Маммадов, Океания Футбол Конфедерацияси операцион директори Фредерик Гиемон чиқиш қиладилар. Шунингдек, кун давомида ОФК бош котиби ўринбосари — аъзо ассоциациялар билан ишлаш бўйича масъул Воҳид Кардани модераторлигида ўтадиган иккинчи панель муҳокамаси ҳам ташкил этилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
