Эртага “Андижон” ОЧЛ 2 доирасида Баҳрайннинг “Ал-Холидия” жамоасини қабул қилади. Бугун “Бобур арена” стадионида учрашув олдидан матбуот анжумани бўлиб ўтди.
Унда "Андижон" устози Максим Шацких ва ҳимоячи Шаҳзод Азмиддинов иштирок этдилар.
Максим Шацких: “Хайрли кеч. Эртанги ўйин ҳақида гапирадиган бўлсам, шуни айта оламанки, биз эртанги учрашувга яхши тайёргарлик кўрдик. Рақибни таҳлил қилганимизда бу жамоани гуруҳимиздаги жамоалар ичида, ўтган сафарги рақибимиз — Қатар клубидан кучлироқ деб айта оламан. Ўйин ташкил этиш жиҳатидан ҳам яхши жамоа. Жисмонан бақувват футболчиларига эга ва тезкор жамоа. Умид қиламанки, эртага биз ўзимизга керакли бўлган натижани қўлга киритамиз. Рақибнинг услуби ва кучи асосида учрашувга тайёргарлик кўрдик. Умид қиламан, эртага мухлисларимиз олдида яхши натижа кўрсатамиз.”
Шаҳзод Азмиддинов: “Ассалому алайкум. Жамоамизнинг кайфияти зўр. Ўйинга келадиган бўлсак, бу гуруҳимиздаги энг қийин учрашувлардан бири бўлади. Қўлдан келганича ҳаракат қилиб, "Бобур арена"да уч очкони қўлга киритишга интиламиз. Мураббийлар штаби билан рақибнинг кучли ва кучсиз жиҳатларини ўрганиб чиқдик. Ҳамма мухлисларни кутамиз ва уч очко "Бобур арена"да қолади, деган умиддаман”.
— Охирги учрашувларда ҳимояда муаммолар борлиги кўриляпти. “Шўртан”ни мағлуб этган бўлса ҳам, дарвозадан голлар ўтказиб юборди. Қисқа фурсат ичида ҳимоядаги муаммоларни бартараф этишга ҳаракат қилиндими?
Максим Шацких: “Ҳар бир машғулотда айнан шу чизиққа эътибор берамиз. Хато қилмасликка ҳаракат қиламиз. Олдинги учрашувдаги хатолар тактик эмас, балки техник хато эди. Барчамиз инсонмиз ва шундай хатолар бўлиши табиий. Машғулотлар давомида шунинг устида ишладик. Ўйлайманки, эртага олдинги ўйинда қилган хатоларимизни такрорламаймиз.”
— Исмоил Акинаде қандай ҳолатда? Балки у эртага майдонга тушар?
Максим Шацких: “Ҳар куни майдонга қайтиш учун машғулотларда тер тўкиб ишламоқда. Эртага у асосий таркибда майдонга тушадими ёки захирадами — айта олмайман. Қолаверса, эртанги учрашувда "Бобур арена"гаa кўплаб мухлисларимиз келишларини кутамиз. Чунки уларнинг қўллаб-қувватлаши бизга жуда зарур.”
— “Ал-Холидия” ўтган турда ғалаба қозонди ва сиз рақибни ўрганиб чиққанингизни айтдингиз. Сиз учун рақиб сафида қайси футболчи хавфли туюлди?
Шаҳзод Азмиддинов: “Уларни кўриб чиқдик. Ҳамма ўйинчилари кучли. Олдинги чизиқдаги 99-рақамли футболчиси бақувват ва тезкор экан. Ўша футболчини "ушлаш"га ҳаракат қиламиз. 19-рақамли футболчиси ҳам яхши экан — паслари аъло. Худо хоҳласа, биз тайёрмиз, нолга "ушлаш"га ҳаракат қиламиз. Худога шукр, ҳали Осиё Чемпионлар лигасида гол ўтказиб юбормадик. Охиригача шу темпда давом этамиз”.
— “Шўртан” билан учрашувда йигитларда руҳий ёки асабий чарчоқ бўлдими? Эртаги ўйинда жамоанинг руҳий ҳолати қандай?
Шаҳзод Азмиддинов: “Ҳар томонлама тайёрмиз. ОЧЛ — ўз номи билан катта мусобақа. Ҳамма бунга бошқача кайфият билан тушади. Худо хоҳласа, ҳамма тайёр. Уч очкони қўлга киритишга ҳаракат қиламиз”.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
