А Серия ҳақиқий «голсизлик инқирози»ни бошидан кечирмоқда. Италия чемпионати ҳозирда Европанинг бешта тўп-5 лигаси ичида энг кам гол уриладиган мусобақага айланди. Жорий мавсумдаги 110 та учрашувнинг 17 таси 0:0 ҳисоби билан якунланган — бу барча ўйинларнинг 15,5 фоизини ташкил этади. Солиштириш учун: Англия Премьер-лигасида фақат 6,4 фоиз ўйинлар голсиз тугаган, Францияда — 4,6%, Германияда — 4,4%, Испанияда — 4,2%.
Жорий мавсумда А Серияда энг кўп қайд этилган ҳисоб — 0:0. Кейинги ўринларда 1:1 (13 марта) ва 0:1 (11 марта) турибди. Умуман олганда, 59,1% ўйинлар (110 та баҳсдан 65 таси) иккита ёки ундан кам гол билан якунланган — бу кўрсаткич Бундеслигадаги (36,7%)дан анча юқори. Чемпионатнинг яна бир хусусияти — дуранглар улушининг юқорилиги: 38 та учрашув (34,6%) шундай якунланган ва бу кўрсаткич Европадаги барча етакчи лигалар ичида энг юқориси ҳисобланади.
2017 йилдан 2022 йилгача А Серия ҳар мавсум 1000 тадан ортиқ гол уриш чегарасини босиб ўтарди, рекорд эса 2020/21 йилги мавсумда қайд этилган — 1163 тўп. Аммо сўнгги уч йилда бу кўрсаткич ёмонлашди: ўтган мавсум 973 гол билан якунланган — бу 2011/12 йилги мавсумдан (971 гол) кейинги энг паст натижа.
Ҳозирча, 11 турдан сўнг, жами 244 гол киритилган (ўртача ҳар турда 22,2 тўп), бу эса мавсум охиригача тахминан 850 гол бўлишини кўрсатмоқда. Солиштириш учун: Бундеслигада ҳозир 290 гол (ўртача 3,21 ҳар ўйинда), Лига 1да — 315 (2,92), Ла Лигада — 301 (2,74), Англия Премьер-лигасида эса — 313 (2,61).
Бу ҳолат тўпурарлар рўйхатида ҳам акс этмоқда: Германияда Ҳарри Кейн (13 гол), Францияда Хоакин Паничелли (9), Испанияда Килиан Мбаппе (13), Англияда Эрлинг Холанд (14) етакчилик қилса, Италияда энг кўп гол урганлар — атиги 5 тадан тўп билан Ҳакан Чалҳанўғли ва Риккардо Орсолини.
Шу билан бирга, бошқа мамлакатларда етакчилар классик ҳужумчилар бўлса, Италияда — ярим ҳимоячи ва қанот ўйинчиси. Бунинг ўзиёқ шуни тасдиқлайдики: самарадорлик муаммолари фақат «Рома» каби айрим жамоаларда эмас, балки бутун чемпионат миқёсида кузатилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
