Ўзбекистон миллий терма жамоаси “Al Ain International Cup” халқаро ўртоқлик мусобақасининг ярим финалида Миср терма жамоасига қарши майдонга тушиб, ишончли тарзда ғалаба қозонди.
“Hazza bin Zayed” стадионида ўтган учрашув 2:0 ҳисобида Фабио Каннаваро шогирдлари фойдасига якунланди. Учрашув қаҳрамони эса, шубҳасиз, дубль муаллифи — Остон Ўрунoв бўлди.
Биринчи тайм: Ўрунoвнинг эрта голи ва устунлик
Ўйин юқори темпда бошланди. Дастлабки дақиқаларданоқ Ўзбекистон ташаббусни қўлга олиб, рақиб ярим майдонда фаол харакат қилди. Бу босим 4-дақиқада ўз самарасини берди — Остон Ўрунoв рақиб жарима майдони атрофида мисрлик 4-5 нафар ўйинчини алдаб ўтиб кетди ва дарвозабон билан яккама-якка вазиятда тўпни устун орқали тўрга жойлади.
Голдан кейин ҳам жамоамиз ўйин тизгинини қўлдан чиқармади. Қанотлардан тезкор рейдлар, марказ орқали оқилона паслар Миср ҳимоясини бир неча бор қийин аҳволга солди. Хусусан, Элдор Шомуродов дарвозабон билан яккама-якка вазиятдан унумли фойдалана олмади.
Тайм якунига етиб бораётганда эса Ўрунoв яна бир бор ўз маҳоратни намоён қилди. 44-дақиқада у Шомуродов узатмасидан кейин Миср посбони билан бирга-бир вазиятда уни алдаб ўтиб, ҳисобни 2:0 кўринишига келтирди. Биринчи бўлим ана шундай устунлик билан якунланди.
Иккинчи тайм: назорат, алмашинувлар ва ҳисобни сақлаб қолиш
Иккинчи бўлим Мисрнинг устунлиги остида ўтди. 53-дақиқада Остон Ўрунoв ва Азиз Ғаниев ўрнига Аксмал Мозговой ҳамда Хожимат Эркинов майдонга туширилди — бу ўзгариш ўйин суръатини пасайтирмай, аксинча, марказдаги назоратни мустаҳкамлади.
69-дақиқада яна бир алмашинув амалга оширилиб, Отабек Шукуров ўрнига Достон Ҳамдамов ўйинга қўшилди. Жамоа бутун тайм давомида ҳисобни сақлаб қолиш билан бирга, имконият пайдо бўлган вазиятларда ҳужумларни ҳам унутмади.
Миср термаси бир неча бор гол киритишга уринди, аммо ҳимоячиларимиз ва дарвозабон ҳушёрлик билан ҳаракат қилиб, хавфли зарбаларнинг олдини олишди.
90-дақиқада Фаррух Сайфиев ва Рустам Ашурматов ўйинга қўшилди ва жамоа ўйинни муваффақиятли тарзда якунлади. Қўшимча вақтларда ҳам ҳисоб ўзгармади: 2:0 — Ўзбекистон финалда!
Учрашув қаҳрамони — Остон Ўрунoв
Учрашувнинг энг фаол ва самарали ўйинчиси Остон Ўрунoв бўлди. Унинг икки голи жамоамизни финалга олиб чиқди. Ўрунoв нафақат голлари, балки яриммайдондаги ҳаракатлари, тезкор қарорлари ва ҳужумнинг марказий фигураси сифатида ажралиб турди.
Финал кутмоқда
Ушбу ғалабадан сўнг Ўзбекистон миллий терма жамоаси “Al Ain International Cup” халқаро ўртоқлик мусобақа финалига йўл олди. Финалда бизни Эрон кутиб турибди.
“Al Ain International Cup” халқаро турнири.
Ярим финал
МИСР - ЎЗБЕКИСТОН - 0:2
Голлар: Остон Ўрунов (4, 43)
Финал. 18 ноябрь, 21:00
“Hazza bin Zayed” стадиони
Ўзбекистон — Эрон
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
