Ҳоланд — АПЛнинг энг қиммат футболчиси, Абдуқодир Ҳусанов 96-поғонада
Transfermarkt портали Англия Премьер Лигасида тўп тепадиган футболчиларининг трансфер нархини янгилади. Энг қиммат футболчи сифатида “Манчестер Сити” ҳужумчиси Эрлинг Ҳоланд қайд этилди. Янгиланган қийматга кўра, норвегиялик ҳужумчининг нархи 200 миллион еврога баҳоланган. Иккинчи ўринда “Арсенал” вингери Букайо Сака (130 млн евро) жой олди. Кучли учликни яна бир “Арсенал” футболчиси Деклан Райс якунлаб берган — 120 млн евро.
Ўзбекистон терма жамоаси ҳамда “Манчестер Сити” ҳимоячиси Абдуқодир Ҳусановнинг нархи ўзгаришсиз қолди. Айни пайтда футболчининг қиймати 35 миллион еврога тенг. Ҳусанов ҳозирда Англия Премьер Лигасида тўп тепадиган энг қиммат 96-футболчи ҳисобланади. “Манчестер Сити”да эса 16-поғонанни эгаллаб турибди.
Transfermarkt талқинига кўра АПЛнинг энг қиммат 10 футболчиси:
1. Эрлинг Ҳоланд (“Манчестер Сити”) — 200 млн евро
2. Букайо Сака (“Арсенал”) — 130 млн евро
3. Деклан Райс (“Арсенал”) — 120 млн евро
4. Александер Исак (“Ливерпуль”) — 120 млн евро
5. Коул Палмер (“Челси”) — 120 млн евро
7. Флориан Вирц (“Ливерпуль”) — 110 млн евро
8. Мойсес Кайседо (“Челси”) — 110 млн евро
9. Уилям Салиба (“Арсенал”) — 90 млн евро
10. Райан Гравернберх (“Ливерпуль”) — 90 млн евро
12. Доминик Собослаи (“Ливерпуль”) — 85 млн евро
Шунингдек, Transfermarkt сўнгги янгиланишда қиймати кескин пасайган футболчилар рўйхатини ҳам эълон қилди. “Ливерпуль” икки футболчиси — ҳужумчи Александер Исак ва ярим ҳимоячи Флориан Вирц энг кўп арзонлашган футболчилар бўлди. Ҳар иккисининг қиймати 20 миллион еврога пасайган. Кучли учликни ҳам мерсисайдликлар аъзоси якунлаган бўлиб, Алексис Макаллистернинг нархи 15 миллион еврога камайган.
АПЛнинг энг кўп арзонлашган 10 футболчиси:
1. Александер Исак (“Ливерпуль”) — 120 млн евро (– 20 млн евро)
2. Флориан Вирц (“Ливерпуль”) — 110 млн евро (– 20 млн евро)
3. Алексис Макаллистер (“Ливерпуль”) — 85 млн евро(– 15 млн евро)
4. Родри (“Манчестер Сити”) — 75 млн евро(– 15 млн евро)
5. Муҳаммад Салоҳ (“Ливерпуль”) — 30 млн евро (– 15 млн евро)
6. Букайо Сака (“Арсенал”) — 130 млн евро (– 10 млн евро)
7. Омар Мармуш (“Манчестер Сити”) — 65 млн евро (– 10 млн евро)
8. Хави Симонс (“Тоттенҳэм”) — 60 млн евро (– 10 млн евро)
9. Бенямин Шешко (“Манчестер Юнайтед”) — 60 млн евро(– 10 млн евро)
10. Бен Уайт (“Арсенал”) — 30 млн евро (– 8 млн евро)
Маълумот учун, айни пайтда дунёнинг энг қиммат футболчиси Эрлинг Ҳоланд ҳамда Ламин Ямал бўлиб турибди. Ҳар икки футболчининг қиммати 200 миллион еврога тенг. Кучли учликни эса “Реал” ҳужумчиси Килиан Мбаппе якунлаб берган — 180 млн евро.
Манба: daryo.uz
Киритилди: 16:13, 10.12.2025. Ўқилди: 2573 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
