Туркиянинг "Башакшеҳир" клуби ярим ҳимоячиси Аббосбек Файзуллаев "Газиантеп"га қарши ўйинда битта гол урди ва битта голга ассистентлик қилди. Ўйиндан сўнг у маҳаллий матбуотга интервью берди.
— Аббос, сен ассистлар ва голлардан завқ олаётгандек кўринасан. Бугун яхши ассистлар қилдинг ва ажойиб гол ҳам урдинг.
— Гол уриб, жамоага ғалаба қозонишда ёрдам берганимдан хурсандман. Бу танаффус олдидан жуда муҳим ўйин эди ва таътилга уч очко ҳамда гол билан чиқишдан жуда мамнунман. Гол уриб, жамоага ёрдам бериш мен учун катта бахт.
— Сўнгги ҳафталарда ажойиб ўйин кўрсатдинг. Ҳозирги формангни қандай баҳолайсан?
— Ростини айтсам, аввалига ҳаммаси мен истагандек кетмади. Трансфер пайтида айрим муаммолар бўлди ва жароҳат ҳам олдим. Лекин ҳозир шуни айта оламанки, ҳолатим анча яхшиланди. Мураббий ва жамоа менга ишонч билдирди. Ҳамма ишонди ва охирги тўрт ҳафтада жуда яхши ўйин кўрсатдим.
— Ҳозир сен Шомуродов билан бирга ўйнаяпсан. Сен ва Шомуродов ўзбек футбол мухлислари орасида катта ҳурматга эгасиз. Бу сенга қандай ҳиссиёт беради?
— У билан бирга ўйнаш ва майдонда бирга тўп тепиш жуда ёқимли. У жуда тажрибали футболчи, мен эса болалигимдан уни кузатиб улғайганман. У билан бирга ўйнаётганимдан хурсандман, у менга мослашишда жуда катта ёрдам беряпти. Биз бир-биримизга яқин жойда яшаймиз, бу ҳам менга анча қўл келади. Мен уни кузатиб улғайганман, у менга жуда кўп ёрдам беради. Биз бир-биримизга яқин яшаймиз ва муносабатларимиз яхши.
— Ўзбек футбол мухлислари ҳақида нима дея оласан?
— Улар жуда эътиборли ва бизга кучли қўллаб-қувватлашди. Халқимиз хорижда ўйнаётган футболчиларни ҳам, мамлакат ичида ўйнаётганларни ҳам доимо қўллаб-қувватлаб келади. Мухлисларимиздан катта ёрдам оламиз ва биз уларни хурсанд қилишдан бахтиёрмиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).