Туркиянинг Белек шаҳрида ўтказилаётган йиғин доирасида «Нефтчи» навбатдаги назорат учрашувини Косовонинг «Феризай» жамоасига қарши ўтказди. Фарғоналиклар учрашув давомида майдонда устунликка эга бўлганига қарамай, жамоа минимал ҳисобда мағлубиятга учради — 1:2.
Учрашув бошланиши билан рақиб жамоа фаол ҳаракат қилди ва 4-дақиқада Якоб Бериша ҳисобни очди. Эрта ўтказиб юборилган голдан сўнг «Нефтчи» тўп назоратини қўлга олди, ҳужумлар сони ортди, бироқ ҳал қилувчи зарбалар самарасиз якунланди. 31-дақиқада эса «Феризай» қарши ҳужумдан фойдаланиб, Бетим Хаххимусанинг голи билан устунликни икки баравар оширди.
Иккинчи бўлим бошланишидан олдин бош мураббий Исломбек Исмоилов қатор ўзгаришларни амалга оширди. Бу қарор ўйин суратига ижобий таъсир қилди. 51-дақиқада Аброp Исмоилов аниқ зарба билан ҳисобни қисқартирди ва жамоада камбек умидини уйғотди.
Шундан сўнг «Нефтчи»нинг ҳужумлари янада тизимли ва босимли тус олди. Ўйин охиригача рақиб дарвозаси олдида хавфли вазиятлар яратилди, бироқ ҳисобни тенглаштиришга бироз омад етишмади. «Феризай» эса асосан ҳимоя ва қарши ҳужумларга таяниб, ғалабали ҳисобни сақлаб қолди.
Шу тариқа, «Нефтчи» ҳужумларда фаол ўйин намойиш этганига қарамай, имкониятлардан тўлиқ фойдалана олмади ва назорат баҳсини мағлубият билан якунлади. Бу учрашув жамоа учун йиғин давомида муҳим хулосалар чиқаришга хизмат қилиши шубҳасиз.
Назорат ўйини. 31.01.2026 | 17:30
Туркия, Белек шаҳри
«НЕФТЧИ» (Ўзбекистон) - «ФEРИЗАЙ» (Косово) 1:2
Голлар: 4' Жакуб Бериша(0:1) 31' Бетим Ҳаҳхимуса (0:2) 51ʼ Аброр Исмоилов (1:2)
«Нефтчи» 1-бўлим: 45. Акбар Тўраев, 2. Иззатилло Пўлатов, 7. Аброp Исмоилов, 20. Анваржон Ғофуров, 21. Муҳсин Убайдуллаев, 34. Фаррух Сайфиев, 77. Ратиньо, 23. Йован Жокич, 8. Владимир Йовович, 10. Жамшид Искандаров, 32. Зоран Марушич.
«Нефтчи» 2-бўлим: 45. Акбар Тўраев, 8. Владимир Йовович, 11. Асилбек Жумаев, 14. Далер Тухсанов, 20. Анваржон Ғофуров, 21. Муҳсин Убайдуллаев, 24. Рустамбек Фомин, 70. Силванус Нимели, 18. Нурмуҳаммад Абдуғаниев, 34. Фаррух Сайфиев, 23. Йован Жокич.
Бош мураббий: Исломбек Исмоилов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
